Sawal la giled’a 17:14 - Bible azumeina

¹⁴ Ma didina, ang prud’un ndei abo sum ndazina. Azi ni suma yam andagad’a ka hina. Suma b’rau mazid’a ni ka hî kur duniya ndatina. Ang hobozi hayazi ki vama ang ngazizi kazina, ang hobozi grozina, a ar ad’ud’a mi grozi ngolona mi.

Sawal la giled’a 17:14 ပူးပေါင်းရင်းမြစ်များ

Wana ni mbaktumba hi Job-pa 12:6

Suma murud’umba a nga ki djib’era avo hatazi d’i, suma a nga djo Alona ki zlad’ina, va nga mi lazi d’i, a nga walo ma ding ngi, nad’eng mazid’a hol!

Wana ni mbaktumba hi Job-pa 12:9

Ni nge mi wazi nga ala: Ahle ndazina pet Ma didina mi lazi ni mamu d’uo ge?

Wana ni mbaktumba hi Job-pa 21:21

Le tilim ma a ngamzina mi dap wa da ni, bugola, vama ndolom ni me ki groma d’ei ge?

Wana ni mbaktumba hi Job-pa 22:18

Wani ni mam ba, mi oyôzi aziyazi kahle suma djivina. Wani va ndolon nga ki d’alâ hi suma asa’atnina d’i.

Sawal la giled’a 39:6

Gola! Ang ngan burun ni gid’enga d’igi hur abona na, kak man nda yam andagad’id’a ni va avorong ngi. Gagazi, sama lara pî ma nga tchola ad’engina mi ni vama hawa ya’â. Tchol ndjö

Sawal la giled’a 73:12

Wana ni suma asa’atna sun mazid’a: Azi nga kur halasa burâ teteu, bege mazid’a nga d’i zul avogovok mi.

Zla d’a d’ogolâ 2:4

le ang nga halat d’igi suma a hal beged’a na, le ang nga halat fufut d’igi suma a hal ndjondjoîd’a na ni,

Matiye 13:44

Jesus mi had’azi kua ala: Leu d’a akulod’a ti hle tat ni d’igi vama djivi ma nga ngeid’a kä kur asinenina na. Sana mi wumu, mi hulong mi ngeyem kä, kayam mi nga mi le furîd’a kamu. Mi iya, mi gus ahligiyem mbei pet, mi i gus asine máma.

Wana ni Zla d’a Djivi d’a Luc mi b’irita 16:25

Wani Abraham mi hulong dum ala: Gorona, ang djib’er djiviya. Ata yima ang nga kur duniyad’ina, ang fe ni djivid’a, wani Lazar mi fe ni ndaka. Ki tchetchemba, a b’lengêm wa hurum ka hî, wani ang nga kur ndaka.

Wana ni Zla d’a Djivi d’a Luc mi b’irita 16:8

Ma ngom ahle ma bei d’ingêrâ, salama mi suburum yam lem mba mi lata, kayam suma kur atchogoi d’a wandina a kal suma a nga kur b’od’ina ki lemba kur atchogoi mazid’a.

Jean 15:19

Ladjï agi ni suma hi duniyad’ina ni, suma kur duniyad’ina a mba le kagi d’igi sum matna na. Wani agi ni suma hi duniyad’ina d’i, kayam an managi woi aduk sum matna. Kayam ndata, suma kur duniyad’ina a nga noyôgiya.

Jean 17:14

An hazi zla manga. Suma duniyad’a a noyôziya, kayam suma ang handji ndazina ni suma hi duniyad’ina d’i, d’igi an ni hi duniyad’ina d’uo na mi.

Jean 8:23

Jesus mi dazi ala: Agi ni suma kä na, an ni ma akulona, agi ni suma hi duniyad’ina, an ni hi duniyad’ina d’i.

Jacques 5:5

Agi kagagi wa yam andagad’a ka hî ki duzîd’a ki furîd’a kur d’od’oka hi hliwigid’a, agi d’orogi wa yam bur ma ngata.