Sawal la giled’a 16:3 - Bible azumeina

³ Suma d’ingêr suma yam andagad’ina, ki suma d’engzeng suma kal teglesâ ni suma tan lan djivid’a heî kazina.

Sawal la giled’a 16:3 ပူးပေါင်းရင်းမြစ်များ

2 Sunda Hamuleinid’a 6:41

Ma didina Alona, ang tchol akulo, ang mbeï ata yang ma tuk tad’a ata yima zanduk mang ma ad’eng manga nga kuana. Ma didina Alona, ar mang suma ngat buzuna a mbut suma d’ingêrâ, ar mang suma d’engzengâ a er ad’uzi akulo ki furîd’a mi.

Sawal la giled’a 101:6

An mba ni tin iran yam suma d’engzeng suma yam ambasina, kayam azi kak gevenu; sama nga mi tit tit ta iratina ni mam ba, mba mi lan sunda.

Sawal la giled’a 116:15

Ma didina hurum nga mi hat yam matna hi suma a hum gagazinina heî.

Sawal la giled’a 119:63

An zlap tu ki suma a nga lang mandarang suma a nga ngom gat mangina.

Sawal la giled’a 122:8

Yam b’oziyona azi ki buniyôna, an mba ni dala: Ar halasa kak kurugu!

Sawal la giled’a 30:4

Ma didina, ang ndan ndei ata yima azuleina, ang ngomon karid’a; an nde nga kä kur zula d’i.

Zla d’a d’ogolâ 12:26

Sama d’ingêrâ mi ta’î lovot ta djivid’a mi ndrama, wani lovota hi suma asa’atnid’a, ti vid’izi ni woyo.

Zla d’a d’ogolâ 13:20

Sama tit ki suma ned’ina mba mi mbut ni sama ned’a, wani sama mi te ki suma lilid’ina mba mi nde kur tchod’a.

Zla d’a d’ogolâ 8:31

An nga ni lü yam andaga mamba, tan nga d’i lan djivid’a aduk suma yam andagad’ina mi.

Sawal la kal teglesa 7:10

Vuna’î d’igi süm guguzlu d’a djivid’a na...! Ti dala: Nga mi sulul kä woi yam ma an le kam heîna, nga mi kal kä woi kikling avun suma a bur senina mi.

Isai 62:4

A mba yak ala Ta a digit teid’a d’uo d’a, a mba yandaga maka ala Ta a arat teid’a d’uo mi, wani a mba yak ala Ta an hurun vat heîd’a, a mba yandaga maka ala Ta a teleta, kayam Ma didina tam lum djivid’a kagu, andaga maka mba d’i ve ndjufâ.

Malatchi 3:17

Ma didin ma ad’engêm kal petna mi dala: An mba ni mbud’uzi sum mana kur bur ma an mba ni tak ad’eng manda woi kuana, an mba ni wazi hohowozi d’igi sana mi we gorom ma mi sunuma hohowom na.

Sunda hi suma a sunuzinid’a 9:13

Wani Ananiyas mi hulong dum ala: Salad’a, an hum zla sa máma avun suma ngola ala nga mi le murud’umba ablaud’a ki sum mang suma Jerusalem-ma.

Galat-na 6:10

Kayam ndata, le ei fei yina ni, ar ei lei djivid’a mi suma pet, kal pet ni mi b’oziyoi suma a he gagazid’ina.

Efes-sâ 1:1

Ni an Paul ma a sunuma hi Jesus Christ-sâ kur minda hAlonid’a. An nga ni b’ir mbaktum mba wanda mi agi suma hAlona suma avo Efes suma d’engzeng suma zlapa tu ki Jesus Christ-sâ.

Wana ni mbaktum mba Paul mi b’irit mi Tit-ta 3:8

Zla ndata ni zla d’a irata. An min ala ang dazi zla ndata kad’enga, kayam suma he gagazid’a yam Alonina a min tazi á le sun nda djivid’a. Zla ndata ni zla d’a djivid’a yam suma á led’a.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.