Sawal la giled’a 16:11 - Bible azumeina

¹¹ Ang mba tagan lovot ta i kur arid’id’a; furî d’a ngola sä navorongû, zlezleû d’a bei dabid’a nga ni yam bigang nga ndjufa.

Sawal la giled’a 16:11 ပူးပေါင်းရင်းမြစ်များ

Sawal la giled’a 139:24

Ang golonu, na ni an nga ni kur lovot ta tchod’a zu? Le an nga ni kur lovot ta tchod’a ni, ang tinin kur lovot ta didinda.

Sawal la giled’a 17:15

Wani anu, yam d’ingêr manda, an mba ni wang irangû; ata yima an mba ni zlit akulona, an mba ni golong tatâ ni hop van hop.

Sawal la giled’a 4:8

Wani furî d’a ang handji kurunda kal furî d’a azi nga furîyût ata yima awu mazina ki süm guguzlu mazid’a a le heîna.

Sawal la giled’a 68:4

Wani suma d’ingêrâ a le furîd’a, a aî avok Alona, a nga lü ndjongâ ki hur ma hapma mi.

Zla d’a d’ogolâ 12:28

Tit ta d’ingêra ni lovot ta ing kur arid’id’a, wani tit ta batranga ni lovot ta ing kur matnid’a mi.

Zla d’a d’ogolâ 2:19

Sama lara ma kal avo hatatna nga mi hulongî d’uo d’a, nga mi fe lovota á kak karid’a d’uo mi.

Zla d’a d’ogolâ 4:18

Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Zla d’a d’ogolâ 5:6

Ti nga d’i djib’er yam lovot ta i kur arid’id’a d’i, ti ka vita ni bei ti we ba.

Isai 2:3

Andjaf suma ablaud’a a mba i kua, a mba dala: Agi mbeyegïya! Ei i djagei akulo yam ahinad’a hi Ma didinid’a, kur gong nga kud’ora hAlona hi Jakob-mid’a kayam mi had’ei gat mamba. Ar ei tid’i kur lovot mam mba mi tageizid’a. Kayam gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Matiye 25:33

An mba ni tok tumiyôna yam bigan nda ndjufa, b’ogeina yam bigan nda gulad’a mi.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Matiye 5:8

Suma huruzi yed’etna a le furîd’a, kayam a mba wAlona.

Matiye 7:14

Kayam lovot ta i kur arid’id’a tad’enga heî, vun agre’â mi ni mbed’et mi, suma fatna a nakid’eid’a mi.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Sunda hi suma a sunuzinid’a 2:28

Ang tagan lovot ta i kur arid’id’a. Ang mba oyôn ki furîd’a avorong mi.

Sunda hi suma a sunuzinid’a 7:56

Mi dazi ala: Agi gologiya! An wakulod’a mal leyo, Gor Sana mi nga tchola ata Alona bigam mba ndjufa mi.

Romê-na 8:11

Wani le Muzu’â hAlona ma mi tchol Jesus akulo aduk suma matnina mi nga kaka kurugiya ni, Alo ma mi tchol Christ akulo aduk suma matnina mba mi hagi arid’a ata hliwigi ma matna ni yam Muzuk mam ma nga kaka kurugina mi.

1 Korente-na 13:12

Ki tchetchemba, ei nga wei woi tetet ti, d’igi sana nga mi gol tam kur kotroma na. Wani ata yi máma ei mba wei tei ira ki ira. Wani ki tchetchemba, an we nga tetet ti, wani ata yi máma an mba ni we woi tetet d’igi Alona nga mi wan tetet na mi.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

Efes-sâ 3:19

Hina wani, agi mba fagi ad’enga á we ki od’a hi Christ sa sana mi ndak á wat ad’ut pepet tuo d’a, kayam agi wagi oî d’a memeta hAlonid’a.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.

Jude 1:24

Mam ma ndak á ngomogi tala agi pugugi kä d’uo na, mba mi buzugugi woi avorom kur subur mamba bei zla d’a kagi ba ki furîd’a.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.