Sawal la giled’a 149:4 - Bible azumeina

⁴ kayam Ma didina tam nga d’i lum djivid’a yam sum mama, nga mi sut suma lulumana á suburuziya.

Sawal la giled’a 149:4 ပူးပေါင်းရင်းမြစ်များ

Sawal la giled’a 117:2

Kayam o mam mba didin nda mi lat keid’a, ti kal ngola heî, gagazid’a hi Ma didinid’a, ti nga ni hina gak didin mi. Agi gilegi Ma didina!

Sawal la giled’a 132:16

An mba ni tchuk suta ata mat suma ngat buzuna d’igi a tchuk baruna atazi na, mat suma d’engzengâ a mba er ad’uzi akulo ki furîd’a mi.

Sawal la giled’a 147:11

Ma didina tam nga d’i lum djivid’a ni yam suma a nga lum mandarama, ni yam suma a tin huruzi yam o mam mba didindina mi.

Sawal la giled’a 22:8

Suma a golona pet a san ad’unu, a nga bet vunazi ad’unu, a nga hle yazi woi ad’un vivik mi.

Sawal la giled’a 35:27

Ar suma tazi lazi djivid’a yam d’ingêr mandina a le furîd’a ki hur ma hapma burâ ki burâ, ar suma a min halasa hazong mangîd’ina a de bei ara ba ala: Ei suburi Ma didina!

Sawal la giled’a 90:17

Salad’a Alo mamina, ar ang vami sumad’a! Ang ar sirami sun mami d’a abomid’a. Gagazi, ang sira sun ndata abomiya!

Zla d’a d’ogolâ 11:20

Suma huruzi tchod’ina a ni vama ndjendjed’a ir Ma didina, wani suma lovot mazid’a d’ingêrâ a ni vama djivina iram mi.

Sawal la kal teglesa 1:11

Suma pola a dala: Ami mba yorok ngangam ma lora ndala ki kawei ma hapma mi.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Jeremi 32:41

Tan mba d’i lan djivid’a á lazi djivid’a, an mba ni kagazi kur ambas sa wanda ki hurun tu ki muzugan tu mi.

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Hebre-na 12:10

Abuyoi suma kur duniyad’a ka hina, a nga gad’ei ndjö yam vama ndak djivid’a irazina. Wani Alona nga mi gad’ei ni yam djivi meid’a, kayam ei kagei suma bei tchod’a d’igi mam na.

1 Pierre 3:4

Wani djif magina ni kurugi krovo, ni djif ma bei b’laka, nala, lulumad’a ki tchugota; ni vama guzum kal tegles avok Alonina.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.