Sawal la giled’a 149:2 - Bible azumeina

² Ar Israel mi le furîd’a yam Alo ma mi luma, ar suma kur Siyon-na a le hur ma hapma yam amul mazina.

Sawal la giled’a 149:2 ပူးပေါင်းရင်းမြစ်များ

Wana ni mbaktumba hi Job-pa 35:10

Wani sa tu pî mi de nga ala: Alo ma mi lan ma nga mi mba ki sawal la furîd’a andjegena mi ni lara ge d’i.

Sawal la giled’a 47:6

Alona nga mi djak akulo ata yima suma a nga gilem kuana; Ma didina nga mi tit avok suma a nga suburum kadifina.

Sawal la giled’a 95:6

Agi mbeyegïya, agi grivigi kä, ei kud’oreigi Ma didin ma leina.

Isai 43:15

An ni Ma didina magi ma bei tchod’a ba ma le Israel-lîna, an namul magina.

Isai 52:7

Djivid’a yam sama nga mi djï akulo yam ahuniyôna á de zla d’a djivid’a woina, yam ma nga mi de woi yam b’leng nga halasa, yam djivid’a ki sutina, ma nga mi de mi Jerusalem ala: Alona namul ma’â na.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Joel 2:23

Agi suma Siyon-na, agi lagi hur ma hapma, agi lagi furîd’a yam Ma didina Alo magina, kayam mam nga mi sagi alona ata yamu, nga mi sagi alo ma hod’ogeid’a kalo ma dabid’a d’igi avok deid’a na.

Habakuk 1:12

Habakuk mi de kua ala: Ei dedei angî Ma didina Alo man ma bei tchod’a, ang nga mit ti. Ma didina, angî ahina manda, ang tin suma djangû ndazina, ang hazi ad’enga á gad’amiya.

Sofoni 3:14

Ang azì ma ngol ma Siyon-na, ang le furîd’a! Agi Israel-lâ, agi eregi ad’ugi akulo ki hur ma hapma! Ang azì ma ngol ma Jerusalem-ma, ang le furîd’a kurung krovo!

Sofoni 3:15

Ma didina mi ar wa ngop pa mam ngobogi ki d’a woyo, mi hulong wa magi suma djangûna kazigaziya. Ma didina amulâ hi Israel-lîna mi nga adigagiya, agi dok lagi mandara vama tcho d’uo d’a.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Matiye 21:5

Agi dagi mi suma kur azì ma Siyon-na ala: Gola! Amul magina nga mi djïya. Ni ma lulumana, mi nga nga yam korod’a, ki koro ma gorâ, nala, korod’a gorotna d’a.

Matiye 25:34

Ata yi máma, an amulâ mba ni de mi suma yam bigan nda ndjufina ala: Agi suma Abun mi b’e vunam kagina, agi mbeyegïya, agi tagi leu d’a a minit kagi kad’u tinda hi duniyad’a deid’a.

Wana ni Zla d’a Djivi d’a Luc mi b’irita 19:27

Wani man suma djangû suma a min an te kazi d’uo na, agi mbeyendjï ka hî, agi tchazi kä woi avoron wana.

Wana ni Zla d’a Djivi d’a Luc mi b’irita 19:38

A dala: Ar Alona mi b’e vunam yam amul ma ngol ma mi mba ki simiyê Ma didinina. Agi suma sä akulona, agi kagagi ki b’leng nga halasa, agi suburugi Alona mi.

Jean 19:15

Kayam ndata, azi de ki delezi akulo ala: Tchum mbeyo, tchum mbeyo, b’alam akulo ata aguna. Pilat mi djobozi ala: An b’alagi amul magina akulo zu? Nglo suma ngat buzuna a hulong dum ala: Ami nga kamul ma ding ngi, ni Sesar tu.

Gat ta a hat á mbàd’id’a 12:7

Ni kua kolâ ba, agi ki sum magina mba tagi ahle suma djivi suma Ma didina Alo magina mba mi b’e vunam kagi agi mba fagizi kur sun magi d’a led’ina, agi mba lagi furîd’a kazi mi.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Vama ndum mbeina 19:6

An hum dela d’igi dela hablau sumid’a na nga d’i siwel d’igi mbiyo ma avun vorina na, d’igi breîd’a halonid’a na mi. An hum ti dala: Aleluya! Kayam Salad’a Alo mei ma ad’engêm kal petna nga mi te leud’a.

1 Samuel 12:22

Ma didina mba mi aragi woi d’i, kayam simiyêm ma nde yinina; kayam ni mam tamba ba, mi min mbud’ugi sum mama.