Sawal la giled’a 147:10 - Bible azumeina

¹⁰ Nga nad’enga hakulumid’a ba, tam mbi lum djivid’a kat ti. Nga ni ringâ hi sanina ba, tam mbi lum djivid’a kam mbuo mi.

Sawal la giled’a 147:10 ပူးပေါင်းရင်းမြစ်များ

2 Samuel 1:23

Kid’a Saul azi ki Jonatan a nga ki irazi tua d’a, a le yam tazi heî, kur mat mazina a wal nga woi d’uo mi. Azi afefeta kal b’aruna, azi ad’enga kal azlona.

Wana ni mbaktumba hi Job-pa 39:11

Nga mi tit yam ahinad’a á fe te mama, nga mi hal hat ma nguloma mi.

Sawal la giled’a 20:7

Ki tchetchemba, an we Ma didina nga mi sut ma mam manam tinim amulina, nga mi humumï kur gong mam mba sä akulod’a, nga mi ndjunum kabom ma ndjuf ma sib’ika mi.

Zla d’a d’ogolâ 21:31

A nga ngom akulumeina ni yam bur ma dur ayîna, wani kusa tcholî ata Ma didina.

Ma tchi wala 9:11

An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Wana ni mbaktumba hi Oze-d’a 1:7

Wani an mba ni we hohowa suma Juda-na. An Ma didina Alo mazina, an mba ni sud’uziya, wani nga ni ki yeûd’a d’oze mbigeu d’a fiyaka d’oze ki durâ d’oze kakulumeina d’oze ki suma djang akulumeina d’uo mi.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.