Sawal la giled’a 146:5 - Bible azumeina

⁵ Sama Alona hi Jakob-ma nga mi ndjunuma ni ma nga ki furîd’ina; ni ma tin hurum yam Ma didina Alo mamina mi.

Sawal la giled’a 146:5 ပူးပေါင်းရင်းမြစ်များ

Ad’u Tinda 50:17

Agi i dagi zla manda mi Josef ala: An nga ni tchenengû, ar ang vat hurung ngei yam tchilad’a ki tchod’a hi b’oziyongîd’a. Ki tchetchemba, ami nga tchenengû, ang vat hurung ngei yam tchod’a hi ami azungeîna hAlona habungîd’a. Kid’a ma sunda mi de zla ndata mi Josef-fa, Josef mi tchiya.

Sawal la giled’a 144:15

Suma a lazi hina na a le furîd’a; suma Ma didina nAlo mazinina a le furîd’a.

Sawal la giled’a 20:8

Suma dingâ a tin huruzi ni yam pus mazi ma dur ayîna, suma dingâ a tin huruzi ni yam akulumei mazina, wani ei tini huri ni yam Ma didina Alo meina.

Sawal la giled’a 33:12

Andjaf suma Ma didina nAlo mazinina a le furîd’a; suma mi manazi d’igi djo mama na na a le furîd’a mi.

Sawal la giled’a 39:7

Gagazi, sana mi tit ni d’igi angusâ nga mi pret na; mi le sunda, mi kau tamî hawa yak; mi tok ahlena, nga mi we sama mba mi yozina d’i.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.

Sawal la giled’a 46:7

Andjaf suma a nga siwela, leud’a nga d’i giget teteng mi. Ata yima Alona mi de zlad’ina, andagad’a ti lau woi d’igi mbina na.

Sawal la giled’a 46:8

Ma didin ma ad’engêm kal petna mi nga ki sed’eya, Alona hi Jakob-ma ni yi mei ma ngeid’a. Tchol ndjö

Sawal la giled’a 71:5

Salad’a, Ma didina, an tin hurun ni kang angû, an tin hurun kangî ki gogoron dei.

Sawal la giled’a 84:12

Ma didina, Alo mamina, angî afata, angî mbareid’a, angî ma ve sumad’a, angî ma subur suma, ang nga d’el djivi manga mi suma a nga tit d’ingêr avorongâ d’i.

Sawal la giled’a 84:8

Ad’engêzi nga d’i i avogovok á i avok ang Alona avo Siyon.

Buzuk ka Abud’a 3:6

Mi dum kua ala: Ni an Alona habungâ, Alona hi Abraham-ma, Alona hi Isa’â, Alona hi Jakob-ma mi. Moise mi zlup ahlena iramu, kayam nga mi le mandarâ á gol Alona.

Zla d’a d’ogolâ 16:20

Sama nga mi wal ir zlad’a woina mi fe djivid’a, sama mi tin hurum yam Ma didinina mi le furîd’a.

Gat ta a hat á mbàd’id’a 33:29

Agi Israel-lâ, agi lagi furîd’a! Ni nge ba, d’igi agi suma Ma didina mi sud’ugina na ge? Mam mi mbarei magi d’a ndjunugid’a, ni mbigeu magi d’a kus ayîna mi. Magi suma djangûna a mba tchuk kä avorogiya, agi mba b’lagagi yi mazi ma ndingâ woyo.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.