Sawal la giled’a 145:10 - Bible azumeina

¹⁰ Ma didina, ahlena pet suma ang lazina a mba gilengû; mang suma d’engzengâ a mba suburung mi.

Sawal la giled’a 145:10 ပူးပေါင်းရင်းမြစ်များ

Sawal la giled’a 103:22

Agi ahle suma Ma didina mi lagi ata yima nga mi te leud’a kuana pet, agi gilemu! An tan pî ni min gilem mi!

Sawal la giled’a 104:24

Ma didina, sun mang nga ang lata ti zul heî; ang lat pet ni ki ned’a, andagad’a ti oî kahle suma ang lazina.

Sawal la giled’a 149:5

Ar suma d’engzengâ a suburumu, ar azi le furîd’a gak yam azang mazina.

Sawal la giled’a 19:1

Ni sawal la David mi hlat mi hat mi ma ngolâ hi suma hle sawalina.

Sawal la giled’a 22:23

An mba ni dang zlang ngei aduk b’oziyona, an mba ni gileng aduk ablaud’a hi sumid’a.

Sawal la giled’a 30:4

Ma didina, ang ndan ndei ata yima azuleina, ang ngomon karid’a; an nde nga kä kur zula d’i.

Sawal la giled’a 30:5

Agi mam suma d’engzengâ, agi suburugi Ma didina ki sawala, agi gilem simiyêm ma bei tchod’ina.

Sawal la giled’a 32:11

Agi suma d’ingêrâ, agi lagi furîd’a yam Ma didina, agi lagi hur ma hapma; agi suma pet suma bei tchod’a kurugina, agi eregi ad’ugi akulo ki furîd’a.

Sawal la giled’a 57:9

An mba ni zlit akulo, an mba ni hlading mana ki taulâ manda á gilengû, an mba ni zlit pipira akulo.

Sawal la giled’a 68:26

Suma hle sawala a nga i avogo, suma bu adingâ a nga bugolo, gro yugunei suma a bu tchigiyeud’ina a nga adigaziya.

Sawal la giled’a 69:35

Ar akulod’a kandagad’a a gilemu, ar alum ma ngolâ kahlena pet suma a nga kuruma a gilem mi.

Sawal la giled’a 97:12

Agi suma d’ingêrâ, agi lagi furîd’a yam Ma didina, agi suburum simiyêm ma bei tchod’a ba na mi.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Hebre-na 13:15

Kayam ndata, ei lei mersi mAlona teteu d’igi vama ngat buzuna na ki simiyê Jesus, nala, ni gile d’a ei nga gilem simiyêm ki vuneid’a.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.