Sawal la giled’a 144:1 - Bible azumeina

¹ Ni sawal la gile d’a David mi hlata. An subur Ma didina ahina manda, kayam mi han ad’enga á durâ, mi minin lovota á dur ayîna mi.

Sawal la giled’a 144:1 ပူးပေါင်းရင်းမြစ်များ

2 Samuel 22:35

Mi had’an á dur ayîna, mi han ad’enga á gan kawei ma hleuna yeûd’a.

2 Amuleina 13:16

Elise mi dum ala: Ang mal ir fenetre d’a abo ma yorogonid’a woyo. Amulâ mi malad’u. Elise mi dum kua ala: Tin yeû manga ata aguwad’u. Amulâ mi hlagu yeû mamba. Elise mi tin abom yam ma hamulîna, mi dum ala: Ang yed’a. Amulâ mi yed’a. Ma djok vuna mi er ad’um akulo ala: Yeû ndata ni vama taka yam kus sa Ma didina mba mi had’enga mi Israel-lâ á kus yam azigar suma Siri-nid’a. Â, ang mba dur suma Siri-na avo Afek, ang mba dabazi woyo.

Sawal la giled’a 18:2

Ma didina, an nga ni le kangû, angî ad’eng manda.

Sawal la giled’a 18:3

Ma didina nahina man nda ndjununda, ni gulumun ma ad’eng ma sud’una; Alo mana nahina man nda an ngei tan kuad’a, mam mi mbarei manda, mam mi ad’eng man nda sud’unda, mam mi yima an sut tan kuana.

Sawal la giled’a 18:31

Alona lovot mamba ni d’ingêr, Ma didina zla mamba, suma a wat ala ni zla d’a irata. Mam mi mbareid’a hi suma pet suma a deng tazi atama.

Sawal la giled’a 18:34

Mi mbud’un asen d’igi ma hi pandrid’ina na, nga mi tinin á tita yam ahuniyôna akulo.

Sawal la giled’a 18:35

Mi had’an á dur ayîna, mi han ad’enga á gan kawei ma hleuna yeûd’a.

Sawal la giled’a 60:12

Ni ang Alo ma arami woina, ni ang ma i nga ki b’rang mamid’a avun ayîna d’uo na d’uo zu?

Sawal la giled’a 71:3

Ang mbut nahina man nda an ngei tan kuad’a, ni yima ang he vuna kam ala an i kua teteu á sut tanu na, kayam angî ahina manda ki gulumun man ma ngei tana.

Sawal la giled’a 95:1

Agi mbeyegï ei gileigi Ma didina ki delei akulo, ei suburi ahina mei d’a suta ki furîd’a!

Isai 26:4

Agi dengêgi tagi ata Ma didina teteu, kayam mam mi ahinad’a hatchogoi d’a lara ge pet.

Isai 45:24

A mba de kan ala: Nata Ma didina tu ba, ang fe d’ingêra kad’enga. Suma pet suma a mba dur ayîna ki sed’ena a mba mbeï geven ki zulona.

2 Korente-na 10:4

Ahle mami suma dur ayîna a nga nahlena hi suma bei he gagazid’ina d’i, wani nahle suma dur ayî suma ad’eng suma hAlonina á to gulumun ma ad’eng ma ngunguna hi ma djangûnina kä woyo. Ami pleyêmi tuguyo d’a hawa yaka hi sumid’a