Sawal la giled’a 141:5 - Bible azumeina

⁵ Ar sama d’ingêrâ mi tonu, ni vama djivina kanu. Ar mi ngobonu, wana ni mbul ma vondji kana. An mba ni fut yan ndei d’i, wani tchen manda mba d’i tchol akulo á kak djangûna ki suma murud’umba.

Sawal la giled’a 141:5 ပူးပေါင်းရင်းမြစ်များ

2 Sunda Hamuleinid’a 25:16

Kid’a mi nga mi de zlad’a tua d’a, Amasiya mi djobom ala: Na ni ni ami ba, tining á de d’alâ mi an amulâ zu? Ang ba vunangû! Ni kayam me ba, ang min ala a tong nge? Ma djok vun Alona mi ba vunamu. Bugol mi dum kua ala: An wala Alona mi nga hurum á tchang ngei kayamba ang le hina d’a. Ni kayam ndata ba, ang nga hum d’al ma an nga ni dangzina d’uo wana!

Sawal la giled’a 125:4

Ma didina, ang le djivid’a ki suma djivina, ki suma huruzi tuna mi.

Sawal la giled’a 23:5

Ang nga minin te mana kä avoron ir man suma djangûna. Ang b’e vunang kanu; angot man nda tche mbina ti oî nga d’i sulul kä woyo.

Sawal la giled’a 51:18

Kayam tang nga d’i lang djivid’a yam vama ngat buzu ma an nga ni hangzina d’i, tang nga d’i lang djivid’a yam vama ngat buzu ma ngala d’uo mi.

Zla d’a d’ogolâ 12:1

Sama mi min ala suma a ngobomu na, mi min ni wed’a, wani sama mi min ngopa d’uo na ni sama lilid’a.

Zla d’a d’ogolâ 15:22

Le suma ablaud’a a ndjak nga vunazi yam va d’uo ni, nga hur máma mi b’la’î woyo, wani le suma de d’alâ a nga ablaud’a ni, a ndagam vunamu.

Zla d’a d’ogolâ 15:5

Ma lilid’a nga mi gol hata habumba is, wani sama mi ve ngopa atama mba mi kak ki ned’a.

Zla d’a d’ogolâ 19:25

Ang to sama las suma, ma lilid’a mba mi mbut sama ned’a; ang ngop sama wad’ud’a, mba mi i avogovok kur wäd’u mamba.

Zla d’a d’ogolâ 25:12

Ngop pa ndavun sama ned’a d’a sana mi humut ki humamba, ti ni d’igi ngangam ma lor ma humba d’oze d’igi hed’eu ma lor ma bei zozota ba na na mi.

Zla d’a d’ogolâ 6:23

Kayam vun ma hed’a ni lalamba, hata ni b’od’a, ngopa á hata ni lovot ta suta.

Ma tchi wala 7:5

Hotei ang hum ngopa hi sama ned’id’a, kal la ang hum sawala hi sama lilid’id’a.

Sunda hi suma hi Levi-nid’a 19:17

Ang ve wiyengâ kurung ngi, ang ngop ndrangâ yam tcho mamba. Hina wani, tcho mamba mba d’i vang ngi.

Matiye 5:44

Wani an nga ni dagiya, agi lagi od’a yam magi suma djangûna, agi b’agi vuna yam suma a nga gagi vunina, agi lagi djivid’a mi suma a nga noyôgina, agi tchenegi Alona yam suma a nga lagi tchod’ina, yam suma a nga djobogi vunagina mi.

Galat-na 6:1

B’oziyona, le sana mi puk kur tchod’a ni, agi suma Muzu’â hAlonina nga mi tagazi lovotina, agi hulongôm kur lovot ta d’ingêra ki lulumad’a. Wani ar nge nge pî adigagi mi gol tam djiviya, ar mi puk kur tcho ndata d’i.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.