Sawal la giled’a 137:4 - Bible azumeina

⁴ Ni nana ba, ami hlami sawala hi Ma didinid’a yam andaga d’a dinga ge?

Sawal la giled’a 137:4 ပူးပေါင်းရင်းမြစ်များ

Ma tchi wala 3:4

yima tchina mi nga, yima sanda mi nga mi; yima tchi horâ mi nga, yima lü ndjongâ mi nga mi;

Isai 22:12

Salad’a Ma didin ma ad’engêm kal petna mi yagi kur bur máma ná tchina, ná yor tad’a, ná welegi yagi woyo, ná tchugugi baru d’a dodora atagi mi.

Isai 49:21

Ndak mba d’i de kuruk ala: Ni nge ba, mi vud’uk gro ndazina ge? Kayam grona a dap peyo, an ni gendreged’a, a i ki sed’en magomba, a digin ndeyo. Ni nge wuluzi ge? An arî van tu. Sum ndazina a tcholï ni lara ge?

Wana ni mbaktumba hi Oze-d’a 9:4

Suma Efraim-ma a mba he he d’a hawa d’a süm guguzlud’a d’i; ahle mazi suma ngat buzuna Ma didina tam mba d’i lum djivid’a kazi d’i. A mba mbut ni d’igi te ma hohoud’a na kaziya. Suma pet suma a mba tazina a mba mbut ndjendjed’a, kayam te mazina mba mi arî kazi azi hol, a mba i ki te máma kur gong nga kud’ora hi Ma didinid’a d’i.

Amos 8:3

An Salad’a Ma didina nga ni daziya: Kur bur máma sawal la a hlat kur azì ma amulid’a mba d’i mbut ni hor ma tchina. A mba tchuk mad’a suma ablaud’a kä woi ata yina teteng, suma vunazi mba mi seng silil.