Yam we hohou mang nga kal teglesa ang arazi nga woi abagei hur fulâ d’i. Ang arazi nga bei tinizi d’ugula avorozi gongzong kur tit mazi d’a faleid’a d’i, ang arazi nga bei tinizi akud’a avorozi gongzong á b’o lovota woi avorozi kur tit mazi d’a andjeged’a d’uo mi.
Ni kayam ndata ba, Alona mi hulong hlazi lovot ta hur fulâ abo ma yam alum ma ngol ma Tchereunid’a. Israel-lâ a buzuk kei avo Ezipte ad’u adezezi ad’u adezeziya.
Moise mi tchol ki Israel-lâ avun alum ma ngol ma Tchereuna. A hle lovot ta i abo ma hur ful ma Sur-rîd’a, a tit abagei hur fulâ burâ hindi bei fe mbiyo ma tched’a.
Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.
Ni mam ma mi tid’ï ki sed’egi hur ful ma tcho ma duwak ma guguyo suma ayîna ki hurdud’a a nga kuana; ata yima ga’al ma bei mbina ba na, mi ndagi mbina ata ahina d’a ad’eng mata kal teglesa mi.
Agi djib’eregi yam tit ta fiyak ka Ma didina Alo magina mi tinizi kagi á tita abagei hur fulâ gak bizad’a dok fid’id’a á hulongôgi yagi kä, á kugugi á we djib’er magid’a, na ni agi mba ngomogi vun mam ma hed’a d’oze ngomom mbuo zi ge d’a.