Sawal la giled’a 135:6 - Bible azumeina

⁶ Vama lara ma Ma didina mi min luma mi lumu, mi lum kur akulod’a, yam andagad’a, kur alum ma nglona, kur zul galilei mazina pet mi.

Sawal la giled’a 135:6 ပူးပေါင်းရင်းမြစ်များ

Wana ni mbaktumba hi Job-pa 42:2

An wala ang ndak á lahlena pet, vama ang nga hurung kama, vama d’eleng kam á led’ina nga d’i.

Sawal la giled’a 115:3

Alo meina mi sä nakulo; nga mi le vama hurum minima mi.

Sawal la giled’a 33:11

Wani nga hurâ hi Ma didinina mi nga burâ ki burâ, djib’er ra kurum krovod’a ti nga ni kur atchogoi d’a lara ge pet mi.

Sawal la giled’a 33:9

Mi de zlad’a, va máma mi mba; mi he vuna, va máma mi nga mi.

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Daniel 4:32

A mba diging ngei aduk suma, ang mba kak aduk ahle suma abageina, a mba hang asuna á ted’a d’igi amuzleina na. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Amos 4:13

Gola! Mam mi ma lahuniyôna ki simetnina, ni ma nga mi tak djib’er mamba mi sanina, ni ma nga mi mbut yorogod’a nduvundina, ni ma nga mi tit akulo yam fiyaka handagad’ina, simiyêm ala Ma didina Alo ma ad’engêm kal petna.

Amos 9:6

Alona mi min yam ma kaka sä akulo, mi tin hur alo mama kä yam andagad’a, nga mi yï mbiyo alum ma ngolâ, nga mi kus sei yam andagad’a. Simiyêm ala Ma didina.

Matiye 14:25

Ki vun pipira, Jesus nga mi iza geveziya, nga mi tit yam mbina.

Matiye 28:18

Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.