Sawal la giled’a 135:13 - Bible azumeina

¹³ Ma didina, simiyêng mi nga gak didin; Ma didina, suma a nga djib’er kangî kur atchogoi d’a lara ge pet.

Sawal la giled’a 135:13 ပူးပေါင်းရင်းမြစ်များ

Sawal la giled’a 102:12

Burun nga mi pret d’igi angusâ mi pret na; an ni mbut ni d’igi asu ma so woina na.

Sawal la giled’a 102:13

Wani Ma didina, ang namul ma nga kaka gak didina, ang nAlo ma nga kur atchogoi d’a lara ge petna.

Sawal la giled’a 102:21

á hum tchina hi suma a yozi magombina, á tchuk suma a kazi sariya d’a matna kazina akulo.

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Sawal la giled’a 8:1

Ni sawal la David mi hlat kadingâ hi Gat-na mi hat mi ma ngolâ hi suma hle sawalina.

Sawal la giled’a 8:9

aluweina, kulufâ kahlena pet suma a nga kur alum ma ngolîna mi.

Sawal la giled’a 89:1

Ni sawal la gile d’a Etan ma Esara-na mi hlata.

Buzuk ka Abud’a 3:15

Alona mi de mi Moise kua ala: Ang i de mi Israel-lâ ala: Ma didina Alona habuyogina, Alona hi Abraham-ma, Alona hi Isa’â, Alona hi Jakob-ma, mi sununï gevegi ni mamu. Wana ni simiyên ma a mba yan ki kur atchogoi d’a lara ge petna.

Wana ni mbaktumba hi Oze-d’a 12:5

Jakob mi ndjiget ki malaikana, mi kus kamu, mi tchenem ala mi b’e vunam kamu. Jakob mi fum sä Betel. Ni kua ba, Alona mi de zlad’a ki sed’emu.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Matiye 6:9

Agi tchenegi ni na: Abumi ma sä akulona, ar suma pet a suburung simiyêngû.