Sawal la giled’a 132:5 - Bible azumeina

⁵ gak an fe yina yam Ma didina, yima kaka yam Alo ma ad’engâ hi Jakob-ma.

Sawal la giled’a 132:5 ပူးပေါင်းရင်းမြစ်များ

2 Samuel 6:17

Ata yima a tin zandu’â hi Ma didinina kur zlub’u d’a David mi minimzi kamba tin na, David mi he he d’a hawa d’a ngala mi Ma didina ki he d’a hawa d’a ngat buzu d’a zlap darigïd’a.

2 Samuel 7:1

Ma didina mi pat amulâ David tei abo mam suma djangû suma a nguyuma, mi hum tuk tad’a. David mi nga kaka kur aziyam ma amula.

1 Amuleina 8:17

Abun David mi nga hurum á min gonga mi Ma didina Alona hi Israel-lîna irat vad’u.

1 Amuleina 8:27

Gagazi, na ni ang Alona ndak á kak yam andagad’a ka hî zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

1 Sunda Hamuleinid’a 15:12

Mi dazi ala: Agi suma avok suma hi Levi-nina, agi ki b’oziyogina, agi mbud’ugi tagi yed’et, agi i hlagï zandu’â hi Ma didina Alona hi Israel-lîna ata yima an minimzi kama.

1 Sunda Hamuleinid’a 15:3

David mi tok Israel-lâ pet avo Jerusalem á hleï zandu’â hi Ma didinina ata yima mi minimzi kama.

1 Sunda Hamuleinid’a 22:7

mi dum ala: Gorona, an tan djib’er ala an min gonga ki simiyê Ma didina Alo mana.

1 Sunda Hamuleinid’a 28:2

Amulâ David mi tchol akulo adigaziya, mi dazi ala: B’oziyona, sum mana, agi humunu! An djib’er adjeu ala an min gong nga a tin zanduk ma vun ma djinda hi Ma didinina mi nga kua d’a Alo meina mi tin asem kuad’a, an min wa ahlena pet mi.

2 Sunda Hamuleinid’a 2:6

Ni nge ba, mi nga kad’enga á minim gonga ge? Kayam akulod’a ki ngolot pet pî ti ndak nga kam mbi. An ni nge ko ba, ni minim gonga ge? An minit ná ngal dubang ma his djivid’ina avorom wü d’a!

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Efes-sâ 2:22

Kayam mamu, a nga minigi akulo zlap tu á mbud’ugi gong nga kaka hAlonid’a yam Muzuk mama.