Sawal la giled’a 125:2 - Bible azumeina

² Ma didina nga mi ngui sum mama kä, ki tchetchemba gak didin d’igi ahuniyôna a ngui Jerusalem kä na.

Sawal la giled’a 125:2 ပူးပေါင်းရင်းမြစ်များ

2 Amuleina 6:17

Bugola, Elise mi tchen Ma didina ala: Ma didina, an nga ni tchenengû, ang malam iram mbei á wed’a. Ma didina mi malam iram mbeyo. Mi wakulumei suma akud’a ki pus ma aku ma dur ayîna teteng akulo yam ahinad’a ngui Elise d’uhl.

Sawal la giled’a 121:8

Ma didina mba mi ngomong kur i manga ki hulong manga mi, ki tchetchemba, gak didin mi.

Sawal la giled’a 34:7

Ata yima sama hohoud’a mi tchi yam Ma didinina, mam hulongôm humba, mam sud’um mbei kur ndak mamba pet mi.

Isai 4:5

Bugola, Ma didina mba mi tin d’ugul la tchola gongzonga kandosâ faleya, mba mi tin aku d’a ngal bibiliu d’a b’o yina andjege yam ahina d’a Siyon-nda ki yi mat ma taka, kayam subura hi Ma didinid’a mba d’i mbut ni vama ngomozina.

Hor ma tchina 4:12

Amulei suma yam andagad’ina ki suma a nga kaka yam andagad’ina pet, a he nga gagazid’a ala ma djangûna d’oze ma huneîd’a mba mi kal avun agre’â hi Jerusalem-ma d’i.

Zakari 2:5

Ma didina mi dala: An mba ni mbut ni d’igi gulumun ma akud’a na yam azì ma ngol máma, an mba ni mbut ni subur ra kurumba mi.

Gat ta a hat á mbàd’id’a 33:27

Alo ma ei adjeu dedeina ni yi mang ma ngeid’a; abom ma sib’ika, mi nga ki sed’eng ka hî yam andagad’a teteu; nga mi dik mang suma djangûna woi avorongû, nga mi he vuna ala: Ang dabazi woyo!