Sawal la giled’a 118:6 - Bible azumeina

⁶ Ma didina mi nga kanu; an nga ni ring mandar ri. Suma a mba lan ni me ge?

Sawal la giled’a 118:6 ပူးပေါင်းရင်းမြစ်များ

Sawal la giled’a 112:8

Mi nga mi tchol ngingring, nga mi ring mandar ri gak mi we kus sa yam mam suma djangûnid’a.

Sawal la giled’a 146:5

Sama Alona hi Jakob-ma nga mi ndjunuma ni ma nga ki furîd’ina; ni ma tin hurum yam Ma didina Alo mamina mi.

Sawal la giled’a 23:4

Wani le an nga ni tit kur hor ra nduvun nda i’îlika pî, an nga ni le mandara va tu d’i, kayam me ang nga zlapa ki sed’enu. Ang nga polon ki totogo manga ki dungûru mangâ, ni azi ba, a nga b’lengên hurunu.

Sawal la giled’a 46:1

Ni sawal la Kore groma a hlat a hat mi ma ngolâ hi suma hle sawalina.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.

Sawal la giled’a 56:10

Fata an mba ni yang á ndjununda, man suma djangûna a mba dadak bugol kazigaziya. Ata yi máma an mba ni wala ang Alona, ang nga ki sed’enu.

Sawal la giled’a 56:11

Alona, an nga ni gileng yam zla d’a ang data. Gagazi, Ma didina, an nga ni gileng yam zla ndata.

Sawal la giled’a 56:12

An tin hurun ni kangû, an nga ni le mandar ri. Sana ni nge ba, mi lan vana ge?

Sawal la giled’a 56:4

Bur ma mandarâ mi lana, an tin hurun ni kangû.

Sawal la giled’a 56:5

Alona, an nga ni gileng yam zla d’a ang data, an tin hurun ni kangû, an nga ni le mandar ri. Sana ni nge ba, mi lan vana ge?

Sawal la giled’a 56:9

Ang we tcha man nda tata d’a, ang ve simi mana kur gugura. Ang b’irim nga kä kur mbaktum manga d’uo zu?

Sawal la giled’a 94:16

Ni nge ba, mba mi tchol avoron á d’el suma asa’at ndazina ge? Ni nge ba, mba mi tchol á ndjunun abo suma bei d’ingêr ndazina ge?

Isai 51:12

Ma didina mi dala: Ni an ba ni b’lengêgi hurugiya. Angî nge ba, le mandara sama mba mi mitna d’oze sana gorom ma d’igi asuna na na ge?

Jeremi 20:11

Wani Ma didina, angî ma sib’ika, angî ma dur kana. Kayam ndata, suma a nga djobon vunana a mba puk kä. Azi mba kus kan ndi, azi mba tchuk susub’ok abo kus sa azi kus nga kan nduo d’a, azi mba mbut zulona burâ ki burâ. Ni zulo ma sa mba mi mar kam mbuo na mi.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Hebre-na 13:6

Kayam ndata, ei ndak á dei bei mandarâ ba ala: Ma didina ni ma nga ndjununa; an nga ni ring mandar ri. Sana mi lan ni me ge?

1 Samuel 17:11

Ata yi máma Saul ki azigar mama pet a hum zla d’a ma Filistê-na mi data, a le mandarâ ngola, a nde zlak mi.

1 Samuel 17:37

David mi de kua ala: Ma didin ma prud’un ndei avun lilif azlona ki ursîna mba mi prud’un ndei abo ma Filistê máma ni hina mi. Saul mi hulong dum ala: Ang iya; ar Ma didina mi ndjunungû.