Sawal la giled’a 112:4 - Bible azumeina

⁴ Ata yima yina mi mbut nduvundina, b’od’a nga d’i b’o woi yam suma d’ingêrâ, yam suma d’engzengâ, yam suma a le djivid’ina, yam suma a we hohowa sumina mi.

Sawal la giled’a 112:4 ပူးပေါင်းရင်းမြစ်များ

Wana ni mbaktumba hi Job-pa 11:17

Kak mang nga yam andagad’id’a, mba d’i b’o kal afat ta falei d’ad’ara, yima nduvunda mba mi mbut ni d’igi b’o d’a yorogod’a na mi.

Wana ni mbaktumba hi Job-pa 22:28

Vama ang nga hurung kama, ang mba fumu, lovot ta ang mba tit kura, mba d’i b’o woi hapa titil.

Wana ni mbaktumba hi Job-pa 29:3

Ata yi máma lalam mamba nga d’i b’o woi kanu, b’o mamba nga d’i ndjunun á nde woi kur nduvunda mi.

Sawal la giled’a 106:1

Agi gilegi Ma didina! Agi gilegi Ma didina, kayam mam mi ma djivina, kayam o mamba ni d’a didinda!

Sawal la giled’a 116:5

Ma didina ni ma djivina, ni ma d’ingêrâ. Alo meina ni ma we hohowa sumina.

Sawal la giled’a 145:17

Ma didina ni ma d’ingêrâ kur lovot mamba pet, mam mi ma djivina kur sun mam mba led’a pet mi.

Sawal la giled’a 37:6

Mam mba mi ndang d’ingêr manga woi d’igi b’od’a na, sariya mang nga irata mba d’i nde woi d’igi afat ta faleid’a na.

Sawal la giled’a 97:11

B’od’a nga d’i b’o yam suma d’ingêrâ; suma huruzi d’ingêra a nga le furîd’a mi.

Zla d’a d’ogolâ 21:21

Sama nga mi tit yam d’ingêra ki djivid’ina mba mi fe arid’a ki d’ingêra ki subura mi.

Isai 50:10

Ni nge adigagi ba, mi le mandar Ma didina, mi hum del azong mama ge? Sama lara ma nga mi tit kur nduvunda ma mi kid’ak b’od’ina, ar mi tin hurum yam simiyê Ma didina, ar mi deng tam ata Alo mama mi.

Isai 58:10

le agi hagi te magina tamba mi sama meid’a tchuma, le agi hobogi ma kid’aka ni, b’o magid’a mba d’i kal akulo yam nduvunda, nduvun magid’a mba d’i mbut ni d’igi afat ta falei d’ad’ara na mi.

Isai 58:8

Ata yi máma b’o magid’a mba d’i b’o woi d’igi yima fod’a na, sut manid’a mba d’i deî atogo zak d’igi afata na, d’ingêr magid’a mba d’i tit avorogiya, subura hi Ma didinid’a mba d’i tit blogogi á ngomogi mi.

Wana ni Zla d’a Djivi d’a Luc mi b’irita 6:36

Agi wagi hohowa suma d’igi Abugi mi we hohowa suma na mi.

Jean 12:46

An ni b’o d’a mba kur duniyad’id’a, kayam sama lara pî ma he gagazid’a kana, mba mi kak kur nduvunda d’i.

Efes-sâ 4:32

Wani agi lagi djivid’a aduk tagiya, agi wagi hohowa tagi mi. Ar agi vad’agi hurugi woi yam tagi d’igi Alona mi vat hurum mbei kagi yam Christ na mi.

Efes-sâ 5:15

Kayam ndata, agi gologi tagi djivi yam tit magid’a. Ar agi tid’igi d’igi suma bei ned’a na d’i, wani d’igi suma ned’a na.

Efes-sâ 5:9

Kayam sama nga kur b’od’ina nga mi landjaf sun nda djivi d’a lara ge pet ki d’ingêra ki gagazid’a mi.

1 Jean 2:29

Le agi wagi Christ ala ni Ma d’ingêrâ ni, ar agi wagi ala nge nge pî ma nga mi le d’ingêrina ni ma Alona mi vud’uma mi.

1 Jean 3:10

Lovot ta ei wei Alona groma ki Diable groma teteta ba wana: Nge nge pî ma nga mi le d’ingêra d’uo na, nga mi le yam wiyema d’uo mi ni, nAlona goroma d’i.

1 Jean 3:7

Grona, ar sa vid’igi woi d’i. Sama nga mi le d’ingêrina ni d’ingêr d’igi Jesus Christ tamba ni ma d’ingêr na mi.