Sawal la giled’a 111:4 - Bible azumeina

⁴ Mi nga mi ge hum suma yam sun mam mba ndandala. Ma didina ni ma we hohowa sumina, ni ma sumad’a mi.

Sawal la giled’a 111:4 ပူးပေါင်းရင်းမြစ်များ

2 Sunda Hamuleinid’a 30:9

Le agi hulongôgï gen Ma didina ni, b’oziyogina ki grogi suma a yozi magombina a mba wazi hohowoziya, a mba hulongî kur ambas sa wanda. Kayam Ma didina Alo magina ni ma sumad’a, ni ma we hohou sumina. Le agi hulongôgi gevemu ni, mam mba mi hagi azigam mbi.

Sawal la giled’a 103:8

Ma didina ni ma mi we hohowa sumina, ni ma sumad’a, ni ma hurum nga mi zal atogo d’uo na, ni ma nga oîd’a ki o mam mba didindina mi.

Sawal la giled’a 112:4

Ata yima yina mi mbut nduvundina, b’od’a nga d’i b’o woi yam suma d’ingêrâ, yam suma d’engzengâ, yam suma a le djivid’ina, yam suma a we hohowa sumina mi.

Sawal la giled’a 145:8

Ma didina, angî ma sumad’a, angî ma we hohowa sumina; hurung nga mi zal atogo d’i, wani angî ma o manga nga d’i dap puo na mi.

Sawal la giled’a 78:38

Wani mi wazi hohowoziya, mi vat hurum mbei yam tcho mazid’a, mi dabazi nga woi d’i, nga mi d’el tam kur ayî mam ma bibiliuna teteu.

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Isai 63:7

An mba ni de woi yam o d’a bei dabid’a hi Ma didinid’a ki gile d’a ei gilei Ma didina yam djivi d’a mi lat ki sed’eid’a. An mba ni de woi yam djivi mam mba yam Israel-lîd’a, yam djivi d’a mi lat ki sed’ezid’a ki we hohou mamba ki o mam mba bei dabi d’a kal teglesa mi.

Gat ta a hat á mbàd’id’a 4:9

Moise mi dazi kua ala: Wani agi gologi tagi djivi burâ ki burâ kur kak magi d’a yam andagad’id’a tala ahle suma agi wagizi ki iragi pet wana, agi maragizi d’i, ar a buzuk kei kurugi d’uo mi d’a. Agi had’agizi mi grogina ki grogi ngolona mi.

1 Timote 1:14

Saleina mi van sumad’a ngola, mi han lovota á he gagazid’a á le o d’a ei zlabei tu kat yam Jesus Christ-sa.