Sawal la giled’a 11:6 - Bible azumeina

⁶ Ma didina nga mi yagï gordjona kakud’a ki sufred’a yam suma asa’atna, nga mi gad’azi ki babar ma bibi’â; wana ni b’rau d’a mi ngazizi kazid’a.

Sawal la giled’a 11:6 ပူးပေါင်းရင်းမြစ်များ

Ad’u Tinda 19:24

Ma didina nde mi yagï sufred’a kakud’a ei akulo yam Sodom ki Gomor.

Ad’u Tinda 43:34

Josef mi hazi te ma avoroma, wani mi he mi Benjamin kal yam ma hi b’oziyomina yam vahl; azi tche süma ki sed’em gak a nde sanda.

Wana ni mbaktumba hi Job-pa 18:10

Ziyo ma a vum ki na, mi ni ngeid’a kä aduk andagad’a, abeid’a ti nga gunda kä kur lovot mamba.

Wana ni mbaktumba hi Job-pa 18:15

Sama ding mi ndak á kak kur aziyam mala nga ni mama d’uo d’angû na, kayam a tchuk aku d’a sufred’a kur aziyamu.

Wana ni mbaktumba hi Job-pa 20:23

Ata yima mi min tam á hop hayama, Alona mba mi mba kayî mam ma bibiliuna kamu, mba mi sumzi kam kä á mbut te mama.

Sawal la giled’a 105:32

Mi ar zla d’a mi sazi alona kazid’a ta, mi sazi ni mogoina kazi kaku d’a ngal bibiliud’a yam ambas mazid’a zang.

Sawal la giled’a 16:5

Ma didina, te mana ki tche manda a tcholï natangû, ni ang ba, nga ngom yi man ma kaka.

Sawal la giled’a 18:13

Ata yi máma d’ugula b’rau woi abo wile mamba, mogoina kakud’a ki gordjona a yak kä.

Sawal la giled’a 32:10

Sama asa’atna mba mi fe ndaka ngola, wani sama deng tam ata Ma didinina, mam mba mi nguyum kä ki djivi mamba.

Sawal la giled’a 75:8

Kayam Alona ni ma ka sariyad’a; nga mi ge sana yam kä, nga mi hle sana yam akulo mi.

Isai 51:17

Ndak Jerusalem, ndak ka Ma didina mi hak kop ma ayî mama ndak tchum mbei ki hargak mamba pet mi vid’ik yak kei d’igi süm ma ayîna nga mi vit yam suma woi na d’a, ndak zlit akulo, ndak zlit akulo, ndak tchol akulo.

Isai 51:22

Gola! Salad’a Ma didina Alo mak ma nga mi ndjun yam sum mamina, mi dala: Gola! An nga ni hle kop ma süm ma mi vid’ik yak keina woi abogu. Ndak dok tche ayî man ma kur kopmina bugol luo d’a.

Jeremi 13:25

Ma didina mi dala: Ndak Jerusalem, wana ni vama an ngaksi ka’â, wana ni b’rau maka, kayam ndak maranu, kayam ndak tin huru’î yam zla d’a kad’a mi.

Ezekiyel 13:13

Ni kayam ndata ba, an Salad’a Ma didina ni dala: Kur hur man ma zala, an mba ni mba ki babar ma ngolâ. Kur ayî mana, an mba ni mba kalo ma se ma tchona. Mogoi ma nglona mba mi yak kä kad’enga, mba mi b’lak ahlena woi pet.

Ezekiyel 38:22

An mba ni kang sariyad’a kang ki tugud’ei d’a tcho d’a tchi matna ki mat ma tchid’a mi. An mba ni salo ma kûkûna kang ki mogei ma nglona, zlapa kakud’a ki sufred’a yam andjaf suma ablau suma a nga zlapa ki sed’engâ mi.

Habakuk 2:16

Wani ang tang zulona mba mi lang kal subura. Ang tang tchë, ar gandilad’a. Ma didina mba mi gad’ang kayî mama, subur manga mba d’i mbut zulona.

Wana ni Zla d’a Djivi d’a Luc mi b’irita 17:29

Wani bur ma Lot mi nde woi kur Sodom-ma, aku d’a sufred’a ti tcholï akulo, ti nde kazi ti tchazi woi pet.

Jean 18:11

Kayam ndata, Jesus mi de mi Pierre ala: Ang hulong nik mbigeu manga kur aziyad’u. Kop ma Abun handjina, an tchum mbuo zu?

1 Samuel 1:4

Wani d’igi Elkana nga mi he he d’a hawa d’a ngat buzuna na, nga mi he hliu ma a ngad’am mAlonina mi Penina azi ki grot suma andjofâ ki suma aropma pet mi.

1 Samuel 9:23

Samuel mi de mi sama le tena ala: Ang mbei ki hliu ma an hangzi adjï ala: Ang tinim mbei vamu na.