Sawal la giled’a 102:9 - Bible azumeina

⁹ Burâ ki burâ man suma djangûna a nga halan ki zlad’a kanu, huruzi nga mi zal kanu, azi nga gun tazi kan mi.

Sawal la giled’a 102:9 ပူးပေါင်းရင်းမြစ်များ

Wana ni mbaktumba hi Job-pa 3:24

Zam tad’a ti mbut navu man ma ted’a, tchi mana nga mi djang kä d’igi mbina na.

Sawal la giled’a 42:11

Tan tchuk wa susub’ok, ata yima man suma djangûna a nga mbud’un zulona ki zla mazi d’a ded’a burâ ki burâ ala: Alo mangâ, mi nga ni lara ge d’a.

Sawal la giled’a 42:3

Alo man ma arina zlam nga d’i lan heî. Ni mindja ba, an mba ni kal kur gong mamba á wum iram ge?

Sawal la giled’a 69:21

Ngul mazid’a b’lagan hurunu, an ve tugud’eid’a; an hal sama wan hohowona, wani sa nga d’i; an hal sama b’lengên huruna, wani an fe nga sa d’uo mi.

Sawal la giled’a 80:5

Ma didina, Alo ma ad’engêng kal petna, ang hurung mba zal hina gagak mindja á hulong humba mi sum mangâ ge?

Isai 44:20

Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Mise 1:10

Ar agi dagi zla ndata woi avo Gat ti, ar agi tchigi kur Ako d’uo mi. An mba ni bulul kä aduk andagad’a avo Bet-Leyafra.

Mise 7:17

Azi mba trâ andaga d’a gugud’upa d’igi guguina na, d’igi ahle suma a dram kä yam andagad’ina na. A mba buzuk kei kur aziyazi ma ad’eng ma ngunguna ki zlaka á i gen ang Ma didina Alo mamina, a mba lang mandarang mi.