Sawal la giled’a 102:26 - Bible azumeina

²⁶ Ni ang ba, läd’u andagad’a avok dedei; akulod’a ni sun nda ang lat kabonga.

Sawal la giled’a 102:26 ပူးပေါင်းရင်းမြစ်များ

Isai 51:6

Agi hlagi iragi akulo. Bugola, agi gologi iragi kä yam andagad’a. Kayam akulod’a mba d’i val lei d’igi andosâ mi val lei na, andagad’a mba d’i wak kei d’igi baru ma tumusa na, suma a nga kaka katna a mba bo woi d’igi arona mi bo woi na, wani sut manda mba d’i kak didin, d’ingêr manda mba d’i dap pei d’uo mi.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Isai 34:4

Ahle suma akulona pet a mba lau woyo, a mba d’ut akulod’a d’igi sana mi d’ut mbaktumba na; ahle suma kurutna pet a mba yak kei d’igi hum guguzlud’a d’oze hum tuluma mi yak keina na mi.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Wana ni Zla d’a Djivi d’a Luc mi b’irita 21:33

Akulod’a kandagad’a a mba kal leyo, wani zla manda mba d’i kal lei d’i.

Vama ndum mbeina 21:1

An we akulo d’a awilid’a kandaga d’a awilid’a, kayam akulo d’a adjeud’a kandaga d’a adjeud’a a kal wa woyo, alum ma ngolâ mi nga d’uo d’a.

Romê-na 8:20

Kayam Alona mi tchuk ahle suma mi lazina pet kä ad’u ad’enga hi vama hawa ya’îd’a, wani nata min mazid’a d’i, nata minda hAlonid’a. Wani a tin huruzi ala

Isai 66:22

Ma didina mi dala: D’igi akulo d’a awilid’a kandaga d’a awilid’a a mba kak avoron tatâ na, andjavagi ki simiyêgi mba mi ka’î hina tatâ mi.

Sawal la giled’a 102:12

Burun nga mi pret d’igi angusâ mi pret na; an ni mbut ni d’igi asu ma so woina na.

Isai 65:17

Ma didina mi dala: An nga ni lakulo d’a awilid’a kandaga d’a awilid’a. Sa mba mi djib’er yam ahle suma kalâ d’i, sa mba mi hulong djib’er kazi d’uo mi.

Buzuk ka Abud’a 3:14

Alona mi de mi Moise ala: AN NI MA NGA NA. Mi dum kua ala: Wana ni zla d’a ang mba hulongôt ded’a mi Israel-lîd’a: Ma yi tam ala AN NGA na, mi sununï gevegi ni mamu.

2 Amuleina 19:15

Bugola, mi nde tchenda ala: Ma didina, Alona hi Israel-lîna, ang ma nga kaka yam zlam mang nga amula aduk tcherebênina, angî Alo ma tu ma yam leu d’a pet ta yam andagad’id’a, angî Ma lakulod’a kandagad’ina mi.

Wana ni mbaktumba hi Job-pa 38:4

Ma didina mi de mi Job kua ala: Ata yima an gäd’u andagad’ina, ang nga ni lara ge? Le ang we woi teted’u ni, ang vandji ad’ud’a.