Sawal la giled’a 100:5 - Bible azumeina

⁵ Kayam Ma didina ni ma djivina, o mamba ni d’a gak didinda, d’engzeng mamba ti nga ni kur atchogoi d’a lara ge pet mi.

Sawal la giled’a 100:5 ပူးပေါင်းရင်းမြစ်များ

1 Sunda Hamuleinid’a 16:34

Agi gilegi Ma didina, kayam mam mi ma djivina, kayam o mamba ni d’a didinda!

2 Sunda Hamuleinid’a 5:13

Suma bu aduveina ki suma hle sawala, a tok tu á gile Ma didina, a subur Ma didina kaduveina ki tchigiyeud’a kahle suma bu suma dingâ teteng. A nga gile Ma didina kayam mam mi sama djivina, kayam o mamba nga d’i dap pi. Ata yi máma d’ugula ti oî hur gonga, gong nga kud’ora hi Ma didinid’a.

Esdras 3:11

A nga hle sawala, a nga gile Ma didina, a nga suburum ki delezi akulo ala: Mam mi Ma djivina, kayam we hohou mam mba yam Israel-lîd’a nga d’i dap pi. Suma pet a nga gile Ma didina ki delezi akulo ki furîd’a, kayam suma sunda a gum ad’u gong mamba kä da’.

Sawal la giled’a 103:17

Wani od’a hi Ma didinid’a ti nga ni yam suma a nga ringîm mandarama hina gak didin; d’ingêr mamba ti nga yam grozina ki grozi ngolona,

Sawal la giled’a 106:1

Agi gilegi Ma didina! Agi gilegi Ma didina, kayam mam mi ma djivina, kayam o mamba ni d’a didinda!

Sawal la giled’a 107:1

Agi gilegi Ma didina, kayam mam mi ma djivina, kayam o mamba ni d’a didinda!

Sawal la giled’a 107:15

Ar a gile Ma didina yam o mam mba didinda, yam sun mam mba ndandal la mi lat yam sumid’a.

Sawal la giled’a 107:22

Ar a he vama ngat buzu ma le mersid’a mi Ma didina, ar a de woi yam sun mam mba mi lata ki delezi akulo ki furîd’a.

Sawal la giled’a 107:8

Ar a gile Ma didina yam o mam mba didinda, yam sun mam mba ndandal la mi lat yam sumid’a.

Sawal la giled’a 119:68

Angî ma djivi ma le suma djivid’ina; ang had’an gat manga.

Sawal la giled’a 138:8

Ma didina, ang mba lahle suma djivina yam anu; Ma didina, o manga nga d’i dap pi, ang ar sun nda ang lat kabonga woi d’i.

Sawal la giled’a 146:6

Ma didina mi lakulod’a kandagad’a, mi lalum ma ngolâ kahlena pet suma a nga kuruma, nga mi ngom gagazid’a teteu mi.

Sawal la giled’a 25:8

Ma didina ni ma djivi ma d’ingêrâ. Ni kayam ndata ba, nga mi tak lovot ta d’ingêra mi suma tchona.

Sawal la giled’a 36:5

Nga mi djib’er yam mbut ira ata yam ma burâ, mi nga kaka kur lovot ta ata yat tuo d’a, nga mi wal lei ki tcho d’a led’a d’uo mi.

Sawal la giled’a 52:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 85:10

Gagazi, sut mamba ti nga go ki suma a nga lum mandarama tala subur mamba mba d’i kak yam ambas meid’a d’a.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Jeremi 33:11

sawal la hur ma hapma ki sawal la furîd’a. A mba hum sawala hi ma tel atchad’a awilina ki sawala hi d’a a telet awilid’a kur ambas sa wanda. A mba hum dela hi suma a hle sawal la wandina ala: Agi gilegi Ma didin ma ad’engêm kal petna, kayam Ma didina ni ma djivina, kayam o mamba nga d’i dap pi. A mba hum dela hi suma a nga hahle suma ngat buzu suma le mersid’ina kur gong man nda kud’ora. Kayam an mba hulongî ki suma a yozi magomba kur ambas sa wandina, an mba ni kagazi blangâzi d’igi adjeu deid’a na. An Ma didina ni de na.

Mise 7:20

Ang mba le glangâsâ yam d’engzeng mang nga ang lat kandjafâ hi Abraham-mid’a, yam djivi d’a ang lat kandjafâ hi Jakob-mid’a d’igi ang gun tang mabuyomi ngola adjeu na.

Nahum 1:7

Ma didina ni ma djivina, ni yima ngeid’a kur bur ma ndaka, nga mi ngom suma a nga ngei tazi atama mi.

Wana ni Zla d’a Djivi d’a Luc mi b’irita 1:50

Kur atchogoi d’a lara ge pet mam mba mi we hohowa suma a nga lum mandarama.

Gat ta a hat á mbàd’id’a 7:9

Agi wagi ala Ma didina Alo magina nAlona, nAlo ma d’engzeng ma nga mi ngom vun mam ma djinda ki djivi mamba yam suma a nga le kam suma a nga ngom vun mam ma hed’a gak kur atchogoi d’a dubud’ina.

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.