Sawal la giled’a 100:2 - Bible azumeina

² Agi lagi sunda mi Ma didina ki furîd’a, agi mbeyegï avorom ki sawal la aîd’a!

Sawal la giled’a 100:2 ပူးပေါင်းရင်းမြစ်များ

1 Amuleina 8:66

Kur bur ma klavandina, amulâ mi tchuk suma avo hataziya. Azi mba, a gum depa, a i avo hatazi ki furîd’a. Tazi lazi djivid’a yam djivi d’a Ma didina mi lat kazong mama David ki mam suma Israel-lîd’a mi.

2 Sunda Hamuleinid’a 29:30

Amulâ Ezekiyas ki suma nglo suma sunda a de mi suma hi Levi-na ala a subur Ma didina ki sawal la David azi ki Asaf ma djok vun Alona a hlata. A hlat ki furîd’a. Bugola, a grif kä andaga a kud’or Ma didina.

2 Sunda Hamuleinid’a 31:2

Ezekiyas mi tin suma ngat buzuna ki suma hi Levi-na ad’u adezezi ad’u adezeziya, nge nge pî, kur sun mamba, suma ngat buzuna ki suma hi Levi-na, á he he d’a hawa d’a ngala ki d’a ngat buzu d’a zlap darigïd’a, á le sunda, á le mersi, á gile Ma didina, á suburum avun agre’â hi kang mamina mi.

Sawal la giled’a 42:4

Andjege ki faleya, simi irana mi mbut ni te mana, kayam a nga dan burâ ki burâ ala: Alo mangâ mi nga ni lara ge?

Sawal la giled’a 71:23

An mba ni suburung ki sawala, an mba ni gileng ki vunan mi, kayam ang sud’un ndeyo.

Sawal la giled’a 95:2

Ei igi avorom á suburumu, ei gileizi ki furîd’a ki sawal la tetenga.

Gat ta a hat á mbàd’id’a 12:12

Agi ki grogi suma andjofâ ki grogi suma aropma kazungeî magina ki yugunei magina, agi mba lagi furîd’a avok Ma didina Alo magina zlapa ki ma hi Levi ma mba mi kak avo hatagina, kayam mam nga ki b’raud’a d’oze djo ma te ki sed’egi d’i.

Gat ta a hat á mbàd’id’a 16:11

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana.

Gat ta a hat á mbàd’id’a 16:14

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi-na kangeina ki ma hokuyod’a katcha d’a modonod’a suma a mba kak avo hatagina, agi lagi furîd’a kur vun til máma.

Gat ta a hat á mbàd’id’a 28:47

Le agi lagi nga sunda mi Ma didina Alo magina ki furîd’a ki hur ma tuna ata yima agi nga kur duzîd’ina d’uo ni,

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.