Sawal la giled’a 10:9 - Bible azumeina

⁹ Mi nga ngeid’a gumun d’igi azlona mi nga ngeid’a ata yam ma domina na, mi nga ngeid’a á ve suma hohoud’a, nga mi lop vun suma hohoud’a á ve kabei mamba.

Sawal la giled’a 10:9 ပူးပေါင်းရင်းမြစ်များ

Sawal la giled’a 109:31

Kayam mam mi grangâ hi sama houd’a á sud’um mbei abo suma a vum ki zlad’ina.

Sawal la giled’a 12:5

ki suma a nga dala: Ami mba kuzumi ayîna ki vunamiya, ami nga ki vunami á de zlad’a; ni nge ba, mba mi te kami ge na mi.

Sawal la giled’a 140:5

Ma didina, ang ngomon abo suma asa’atna, ang ngomon abo suma murud’um suma a nga hal lovota á pugun kä na.

Sawal la giled’a 17:12

d’igi azlo ma meid’a tchum ma nga mi kahl azarîna na, d’igi gor azlo ma nga mi ndjol ata yam ma dominina na.

Sawal la giled’a 35:10

An mba ni de zlad’a ki hurun pet ala: Ma didina, ni nge ba, mi ndak d’igi ang na ge? Angî ma sut sama hohoud’a woi abo sama ad’eng mamba kalama, ang nga sut ma hohoud’a ki ma houd’a woi abo suma a nga hurumuzi ahle mazinina.

Sawal la giled’a 37:14

Suma asa’atna a nga pat mbigeu mazi d’a fiyaka, a nga ndir yeû mazid’a. A le hina á tchi suma hohoud’a ki suma houd’a woyo, á tchi suma d’ingêrâ woi mi.

Sawal la giled’a 59:3

Ang prud’un ndei abo suma bei d’ingêrâ, ang sud’un ndei abo suma tchi suma mi.

Zla d’a d’ogolâ 14:31

Sama nga mi djop vun sama kid’akina mi ngulî Salam ma luma, wani sama mi we hohowa ma hohoud’ina mi suburî Salam ma mi luma.

Zla d’a d’ogolâ 22:16

Sama nga mi kid’eî ir sama kid’akina, mi mbud’umî sama ndjondjoîna; sama nga mi hahlena mi ma ndjondjoînina, mi mbut ni tam houd’a.

Zla d’a d’ogolâ 28:15

Sama asa’at ma nga mi te yam suma kid’akina, mi ni d’igi azlo ma nga mi tchina d’oze ambur urs ma nga mi hal tena abo meid’ina na.

Isai 3:15

Salad’a Ma didin ma ad’engêm kal petna mi dala: Ni kayam me ba, agi mired’egi sum mana kä, agi ndjirebegi suma hohoud’a kä woi na ge?

Isai 32:7

Sunda hi suma mbut irid’a ni sun nda tchod’a, a nga nga huruzi á le tchod’a á ba suma hohoud’a woi ki zla d’a kad’a. Sama houd’a zla mamba ti le ni ki djivid’a ko, a b’lagat teyo.

Jeremi 5:26

Kayam suma asa’atna a nga aduk sum mana. Azi ni d’igi suma a nga tchiget á gun dauna kä a vik aluweinina na, a nga gun abeid’a kä, a nga vik suma mi.

Hor ma tchina 3:10

Mi mbut kan ni d’igi ambur urs ma mi bur kä á ve vanina na d’igi azlo ma mi ngei tam kana na mi.

Ezekiyel 22:29

Suma kur ambasina a nga djop vun suma, a nga kula, a nga b’at ahlena abo ma hohoud’a ki ma houd’a, a nga kid’eî ir angeina, a kak djangûna ki zla d’a d’ingêra mi.

Amos 3:4

Azlona bei mi ve va ba ni, mi to breîd’a aduk agud’a zu? Gor azlona bei mi ve va ba ni, mi er ad’um tchina ata yam ma domina zu?

Mise 7:2

Sama d’engzeng nga kur ambasa d’i, sama irat nga d’uo mi. Azi pet ni suma a bur suma kä á tchid’ina, nge nge pî nga mi gun dauna kä yam wiyema.

Habakuk 1:15

Suma Babilon-na a nga yo suma akulo ki tunglîd’a d’igi suma a vik kulufâ na, a nga tanazi kabei mazina, a togozi kur koli mazina, ata yi máma a nga le furîd’a ki hur ma hapma.

Habakuk 3:14

Ang tchok yam amul mazina ki yeû mazid’a tata; azi suma nga b’at tazi d’igi babarâ na á pleyêmina, a nga siwel ki furîd’a guguguk, a nga tchi suma azi nga kad’enga kazina gumunu.

Zakari 11:3

Agi humugi siwela hi suma polid’a, kayam djif mazina mi b’lak kei da’, agi humugi siwela hi gro azlonid’a, kayam agu d’a ndindik ka avun alum ma Jurdê-nid’a ti dap pei da’.

Jean 10:12

Sama le sun nda beged’a ni ma pol tumiyôna d’i, tumiyôna a ni mama d’uo mi. Le mi we ngûna nga djïya ni, mi ar tumiyôna woyo, mi ringâ. Ngûna mi mba, mi vik tumiyôna, mi b’rawazi woi yayak.

Sunda hi suma a sunuzinid’a 23:21

Wani ang humuzi d’i, kayam suma a ngei nga tazi á tchumu, ablawazi kal suma dok fid’i. Azi gun tazi ala azi te d’oze tche va d’uo mi, gak azi tchum mbeî tua. Ki tchetchemba, azi min wa tazi da’, azi djup mi zla ma anga.