Sawal la giled’a 10:17 - Bible azumeina

¹⁷ Ma didina, ang nga hum zla d’a suma lulumana huruzi minita, ang nga hazi ad’enga, ang nga tin humang

Sawal la giled’a 10:17 ပူးပေါင်းရင်းမြစ်များ

1 Sunda Hamuleinid’a 29:18

Ma didina Alona habuyomi ngolo Abraham, Isak ki Jakob-ma, ang ar djib’er ndata ti kak kur sum mangâ burâ ki burâ, ang ar ti kak hina ngingring kang ang mi.

2 Sunda Hamuleinid’a 29:36

Ezekiyas kablaud’a peta a le furîd’a ngola, kayam Alona mi ndjunuzi á dap sun ndata, kayam a hahle ndazina natogo zak.

2 Sunda Hamuleinid’a 30:12

Alona mi le sunda ki suma Juda-na, mi hazi hur ma tuna á le sunda yam vun ma hed’a hamulîna ki ma hi mam suma nglo suma sundina d’igi Ma didina mi de na.

2 Sunda Hamuleinid’a 34:27

Ang hum zla d’a an dat yam azì ma Jerusalem-ma ki suma a nga kaka kurumid’a woi tetet. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî ni, ni humungû. An Ma didina ni de na.

Sawal la giled’a 102:17

Fata Ma didina mi min Siyon akulod’a, mba mi tak tam mbei kur subur mamba.

Sawal la giled’a 145:19

Mi nga ndak vun minda hi suma a nga lum mandarama, nga mi hum tchi mazina, nga mi sud’uzi mi.

Sawal la giled’a 34:15

mi wal lei ki tchod’a, mi le ni djivid’a; mi hal b’leng nga halasa, mi tit blogot mi.

Sawal la giled’a 37:4

Ang le furîd’a yam Ma didina, mam mba mi hang vama hurung minima mi.

Sawal la giled’a 9:12

Agi gagi sawala ki simiyê Ma didin ma nga kaka kur Siyon-na, agi dagi sun mam mba ngol la mi lata woi aduk suma.

Sawal la giled’a 9:18

Ar suma asa’atna a i ata yima azuleina, nala, andjaf suma bei wAlo ndazina pet suma a mar rei yam Alonina.

Zla d’a d’ogolâ 10:24

Vama sama asa’atna nga mi lum mandarama, ni mam ba, mba mi mba kamu, wani vama suma d’ingêrâ a nga minima, Alona mba mi haziziya.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 16:1

Sana nga mi nga hurum á le va, wani ni Ma didina ba, mi ndak vun zla ndata.

Isai 65:24

An mba ni humuzi avok bei azi tchenenu, an mba ni humuzi ata yima azi de nga zlad’a d’uo tua na.

Matiye 5:3

Suma a ge yazi kä kukud’u’â a le furîd’a, kayam leu d’a akulod’a ni mazid’a.

Romê-na 8:26

Hina mi, Muzu’â hAlonina nga mi ndjuni kur amangeî meid’a. Kayam ei wei nga á tchen Alona ata yat tuo, wani Muzu’â tamba nga mi tchen Alona kei ki zam ta d’a sana mi ndak á dat tei d’uo d’a.

Efes-sâ 2:18

Ni yam Christ ba, ei pet, Juif-fâ kandjaf suma dingâ djak, ei ndak á kalei avok Alona kad’enga hi Muzuk mam ma tunid’a.

Efes-sâ 3:12

Yam he gagazi meid’a, ei zlabei tu ki Christ. Kayam ndata, ei fei lovota á kalei avok Alona bei mandarâ ba.

Jacques 4:10

Agi gagi yagi kä avok Salad’a, mam mba mi hlagi yagi akulo.

Jacques 4:6

Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

1 Pierre 3:12

Kayam Ma didina iram nga tinda yam suma d’ingêrâ, nga mi hum tchen mazid’a mi. Wani mi nga mi mbut azigam mi suma le tchod’a.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.