Sawal la giled’a 1:3 - Bible azumeina

³ Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

Sawal la giled’a 1:3 ပူးပေါင်းရင်းမြစ်များ

Ad’u Tinda 39:23

Ma ngol máma nga mi djib’er yam ahle suma mi hazi abo Josef-fâ d’uo d’a. Kayam Ma didina mi nga ki Josef, ahle suma mi lazina pet nga mi faziya.

Ad’u Tinda 39:3

Salama Potifar mi wala Ma didina mi nga ki Josef, kayam ahle suma mi lazina pet, a nga le djivid’a abomu.

2 Amuleina 18:7

Ma didina mi nga zlapa ki sed’emu. Ahle suma mam lazina pet, mi faziya. Mi tchol huneîd’a kamul ma Asiri-na, mi ge nga yam kä ad’um mbuo d’a.

1 Sunda Hamuleinid’a 22:11

Ki tchetchemba, gorona, ar Ma didina mi kak ki sed’engû, mi lang djivid’a. Ar ang min gonga mi Ma didina Alo mangâ d’igi mi hlan vunam kang na.

1 Sunda Hamuleinid’a 22:13

Le ang ngom gat mamba ki vun ma he ma mi hum mi Israel-lâ avun Moise-sâ ni, mam mba mi lang djivid’a. Ang so tangû, ang ve tang ad’enga, ang le mandar ri, ar vunadigang ngi pat tuo mi.

2 Sunda Hamuleinid’a 31:21

Kur sun nda lara ge pet ta mam lat yam gong nga kud’ora hAlonid’id’a, mi lat ni ki ge yamba kä yam gat mamba ki vun mam ma hed’a, mi he tam á we minda hAlonid’a mi. Mi lazi hina pet ni ki hur ma tuna, mi fe djivid’a kua mi.

2 Sunda Hamuleinid’a 32:23

Suma ablaud’a a mba ki he d’a hawad’a mi Ma didina ki he d’a hawad’a ngola mi Ezekiyas amul ma Juda-na mi. Tin ad’ud’a kur bur máma dei, andjaf suma a nguyuma pet a nga hum ngola.

Wana ni mbaktumba hi Job-pa 14:9

fata alona mi tchuk kä d’a, mi d’uva, abom mba mi d’uf d’igi agu ma a pum awilina na.

Wana ni mbaktumba hi Job-pa 22:28

Vama ang nga hurung kama, ang mba fumu, lovot ta ang mba tit kura, mba d’i b’o woi hapa titil.

Sawal la giled’a 128:2

Ang mba fe mbina yam sun nda ang lat kabonga, ang mba le furîd’a, ang mba i avogovok mi.

Sawal la giled’a 129:8

Ar suma a kal tita kazina a dala: Ar Ma didina mi b’e vunam kagiya d’i, d’oze, Ami tamid’a b’ami vunami kagi ki simiyê Ma didina d’a d’uo mi.

Sawal la giled’a 92:14

Azi ni d’igi agu ma nga ped’a kur gonga hi Ma didina Alo meinid’a na, a nga d’uf kur gulumun mama mi.

Sawal la giled’a 92:15

Kur mamarazi pî a nga vut kua, ambirizi nga, humazi nga d’i got mi.

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Isai 3:10

Agi nga dagi yam ma d’engzengâ ala mam mba mi kak ki djivid’a; ahle suma mi lazina, mba mi faziya.

Isai 44:4

A mba deyâ, a mba wul djifâ aduk asuna d’igi da’ar ra avun mbinid’a na.

Isai 58:11

Ma didina mba mi ndjunugi teteu, mam mba mi hobogi ata yima so ma gangrasâ, mam mba mi hulong mi hagi ad’enga atagiya. Agi mba mbud’ugi ni d’igi asine ma a rabam mbinina na, d’igi golong nga mbiyo matna nga mi so d’uo d’a na mi.

Jeremi 17:8

Mi hle tamî d’igi agu ma a pum avun mbina ma sideyem mi i kä aduk mbiyo ma djangîna na, nga mi we huwaka d’i, humam ti ni d’ufa hina gugulî. Kur biza d’a sod’a pî, humam nga d’i lugot ti, nga mi ba bei vut tuo mi.

Ezekiyel 17:8

A pat nata yima djivina, ata yima mbina nga kua heîna tala abot mi se mi vud’a, ti mbut guguzlu d’a djivid’a d’a.

Ezekiyel 19:10

Ma didina mi dala: Ang dala: Asugi ti hle tat ni d’igi guguzlu d’a a pat avun mbinid’a na, ti hô vuta hô hô, humat duf gugulî abo mbiyo ma zul atatna.

Ezekiyel 31:5

Ni kayam ndata ba, mi wul fiyaka kal akulo yam agu ma abageina pet, mi tchuk grona ablaud’a, abom mi ruî woi ni yam mbiyo ma mi djang ad’um heîna.

Ezekiyel 47:12

Andjaf agu ma vuta teteng mba mi wul avun toliyonda abo hî abo hî. Humam mba d’i so d’i, mba mi ba bei vuta d’i, mba mi vut ni tilâ ki tilâ, kayam mbiyo ma nga mi djangî woi kur gong nga kud’ora hAlonid’ina, nga mi i kä ad’umu. Vud’um mba d’i mbut ni tena hi sumina, humam mba d’i mbut ni kuma ma sut suma mi.

Ndumba 24:6

Zlub’u magid’a ti ni d’igi alum ma nga mi djangâ na, ti ni d’igi asine ma avun alumina na, ti ni d’igi agu alowe ma Ma didina mi puma na, ti ni d’igi agu sedre ma avun alumina na mi.

Matiye 13:6

Wani kid’a afata ti deîd’a, ti lugud’omu, mi so woyo, kayam sideyem mi i nga kä ngol li.

Matiye 21:19

Mi we tuluma mi nga tchola avun lovota, mi i atamu, wani mi fe nga va d’i, ni humam hol. Jesus mi dum ala: Ang dok vut tuo d’a. Ata yi máma na wat, mi so woyo.

Matiye 21:34

Kid’a yima duta ndaka, mi sun azungeî mama gen suma sun ndazina, kayam a vumï vud’a guguzlud’a hasinenid’a.

Matiye 21:41

A dum ala: Mam mba mi we hohowa suma tcho ndazina d’i, wani mba mi tchazi woyo, mba mi he asinem abo suma dingâ kayam azi hum vuta ata yima duta.

Jean 15:6

Le sama nga kaka zlapa tu ki sed’en nduo ni, Abun mba mi gum mbei d’igi a gabo guguzlud’a woi na, mba mi so woi mi. Bugola, a togomu, a tchugum aduk akud’a, a ngalam mbeyo.

Gat ta a hat á mbàd’id’a 28:8

Ma didina mi b’e vunam yam ahle suma kur avurei maginina, mba mi b’e vunam kagi kur sun nda lara ge pet ta agi mba lagizi kabogid’a, mba mi b’e vunam kagi kur ambas sa mam nga mi hagizid’a mi.

Jude 1:12

Sum ndazina a mbut ni vama dap asema ata yi magi ma darigïd’a, zulona nga lazi ki hop mazina d’uo mi. Azi ni d’igi d’ugul la bei mbina d’a simetna nga mi tchat tata d’a na. Azi ni d’igi agu ma le ni vun simetna pî nga mi vut tuo ma mi mit yam mbà ma a pad’am sideyem mbeina na.

Vama ndum mbeina 22:2

nga mi djang ir palumba hazì mámid’a. Agu ma he arina mi nga avun alum máma abo hî abo hî, nga mi vut yam dogo yam mbà kur bizad’a tu, til ma lara ge pî, nga mi vut yam tutu. Humam ni vama sut andjaf suma.