Romê-na 9:5 - Bible azumeina

⁵ Abraham azi ki Isak ki Jakob nabuyozi ngolo. Nad’u andjavazi ba, Christ mi ndeï kua d’igi sana na. Mam nAlo ma te yam ahlena petna, ni ma ndak á gilem gak didina. Amin!

Romê-na 9:5 ပူးပေါင်းရင်းမြစ်များ

Ad’u Tinda 12:3

An mba ni b’e vunan yam suma yam andagad’ina pet ni kang angû; suma a mba b’e vunazi kangâ, an mba ni b’e vunan kaziya; suma a mba gang vunina, an mba ni gazi vuna mi.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

1 Amuleina 1:36

Benaya mi hulong mi de mamulâ ala: Salana, ang de djiviya! Ni Ma didina Alo mangâ ba, mi dang zla ndata avunangû.

1 Sunda Hamuleinid’a 16:36

Ar ei lei mersi mi Ma didina, Alona hi Israel-lâ ma nga adjeu dei gak didina. Ar suma pet a dala: Amin! Agi gilegi Ma didina!

Sawal la giled’a 103:19

Ma didina mi tin nga zlam mam mba amula sä akulo, nga mi tamula yam ahlena pet mi.

Sawal la giled’a 106:48

Ar ei suburi Ma didina, Alona hi Israel-lâ ma nga adjeu dei gak didina. Ar suma pet a dala: Amin! Agi gilegi Ma didina!

Sawal la giled’a 41:13

Wani ang djigin akulo ni yam d’ingêr manda, ang nga ngomon kä avorong teteu.

Sawal la giled’a 45:6

Yeû manga siyat ni feta dedelem. Ang mba yet ki mang suma djangûna; azi mba puk kä avorongû.

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

Sawal la giled’a 89:52

Ma didina, ang djib’er yam ngul la mang suma djangûna a nga ngulumba, a nga ngul ma ang manama.

Isai 11:1

Abo aguna mi hud’urï ata abu aguna hi Jesse-na, mba mi d’uvï ata sideyemu.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Jeremi 28:6

Mi dala: Amin! Ar Ma didina mi le hina, ar mi ndak vun zla d’a ang djogot teid’a, ar mi mba kahle suma kur gong mam mba kud’orina ki suma pet suma a yozi magombina ka hî!

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Wana ni Zla d’a Djivi d’a Luc mi b’irita 20:44

Le David ki yam nga mi yum ala Salana, ni nana ba Mesi mi mbut goroma ge?

Jean 10:30

Ami kAbun ni tu.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Sunda hi suma a sunuzinid’a 3:13

Alona hi Abraham-ma, Alona hi Isa’â, Alona hi Jakob-ma, Alona habuyoi ngolona, ni mam tamba, mi subur azong mama Jesus. Agi hum abo suma te yamba, agi noyôm avok Pilat kid’a mi min á gum akulod’a.

Romê-na 1:25

Azi vrak zla d’a kad’a balum zla d’a gagazid’a hAlonid’a. Azi nga kud’or ahle suma Alona mi lazina a nga lazi sunda mi, wani a nga kud’or Alo ma mi lazi ma mi ndak á gilem gak didina d’i. Amin!

Romê-na 1:3

Zla d’a Djivi ndata ni yam Gorom ma a vud’um ad’u andjafâ hamulâ David-nina,

Romê-na 10:12

Ni hina ba, wala nga aduk Juif-fâ kandjaf suma dingâ d’i, kayam azi pet, Salazina ni tu. Nga mi hahle mam suma djivina mi suma a nga yuma pet.

Romê-na 11:28

Ni yam Zla d’a Djivid’a ba, Juif-fâ a mbut suma djangûna kAlona kagiya. Wani yam man nda Alona mi manazid’a, mi le kazi ngola ni yam abuyozi ngolo.

1 Korente-na 14:16

Le ang nga le mersi mAlona kur muzugangû ni, sama nga kaka kur Toka á humbina mba mi dala Amin yam tchen manga ni nana ge? Kayam mam hum nga vama ang duma d’i.

2 Korente-na 11:31

Alona Abu Salad’a Jesus ma suma a nga suburum simiyêm gak didina, mi wala an nga ni ka zla d’i.

Gat ta a hat á mbàd’id’a 10:15

Nata abuyogi ngolo hol ba, Ma didina mi reî tam ki sed’ezi á le kaziya. Bugola, ni kandjavaziya, nala, ni agi suma mi managi aduk andjaf suma petna d’igi agi wagi ini na.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

1 Timote 6:15

Alo ma kal tegles ma tu gid’eng ma mi ndak á hud’a, ma nAmulâ hamuleinina, ma Salad’a hi suliyod’ina, mam mba mi ndum mbei ata yima mi ngama.

2 Timote 2:8

Ang djib’er yam Jesus Christ ma ad’u andjafâ hi David-na ma mi tchol akulo aduk suma matnina, ni ma an nga ni tchum walam mbei kur Zla d’a Djivid’ina.

Hebre-na 7:24

Wani Jesus ni Ma nga kaka gak didina. Sama ding ndak á vrak blangâm kur sun nda ngat buzuna d’i.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.

Vama ndum mbeina 22:16

An Jesus, an sunugi malaika mana, kayam mi dagi ahle ndazina pet kur Toka. An ni David gorom ngolona, an ni avevel ma fo yina.

Vama ndum mbeina 22:20

Sama de woi yam ahle ndazina petna, mi dala: Â, an nga ni mba ka tchetchem. Amin! Ang mbeya, Salamina Jesus!

Vama ndum mbeina 5:14

Ahle suma ari suma fid’ina a dala: Amin! Suma nglona a grif kä, a kud’urom mi.