Romê-na 9:32 - Bible azumeina

³² Ni kayam me ge? Kayam azi halat nga ki he gagazid’a avok Alona d’i, wani azi djib’er ala a fat ni ki sun nda led’a. Azi dap asezi ata ahina d’a nga d’i dabazi asezid’a,

Romê-na 9:32 ပူးပေါင်းရင်းမြစ်များ

Isai 8:14

Mam mba mi mbut ni zlub’u d’a a tinit irat vata, mba mi mbut nahina d’a dap asema mi. Nahina d’a dap asema yam leud’a hi Israel-lîd’a ki leud’a hi Juda-nid’a, mba mi mbut nabeid’a ki dauna yam suma a nga kaka avo Jerusalem-ma mi.

Isai 8:15

Suma ablaud’a a mba dap asezi kua, a mba puk kä, a mba kuza, a mba tchuk kur dauna, mba mi vigiziya.

Matiye 13:57

Kayam ndata, a fe lovota á hum gagazid’a kam mbi. Wani Jesus mi dazi ala: Suma a nga he ngola mi ma djok vun Alona ata yina pet, wani yam ambazam mba vuta aduk simiyêm a nga hum ngola d’i.

Wana ni Zla d’a Djivi d’a Luc mi b’irita 2:34

Simeon mi dazi kua ala: Ar Salad’a mi ndjunugiya. Mi de mi Marie Jesus asum ala: Alona mi man gor máma ni yam puka ki tchola hi suma ablaud’a aduk Israel-lâ. Mam mba mi mbut ni vama simata hAlonina mi suma kak djangûna ki sed’ema,

Wana ni Zla d’a Djivi d’a Luc mi b’irita 7:23

Sama le nga hur ma mbàmbàna kan nduo na mi le furîd’a.

Romê-na 10:3

Azi we nga d’ala Alona ni sama mi mbut suma d’ingêra d’a d’i. Azi nga hal á tin d’ingêr mazid’a yam taziya. Ni hina ba, azi ge nga yazi kä ad’u minda hAlo ma mbut suma d’ingêra d’i.

Romê-na 11:11

An nga ni djop ala: Ata yima Juif-fâ a dap asezina, a pu’î kä ki irazi fafad’u zu? Nga na d’i! Wani ni yam tchila mazid’a ba, suma dingâ a fe ki suta, kayam Juif-fâ a le yungôra kaziya.

Romê-na 4:16

Kayam Alona mi hlum vunamî yam he gagazid’a, kayam ti ka’î d’igi he d’a hawa mamba na yam andjafâ hi Abraham-ma pet; nga ni yam suma a ge yazi kä ad’u gatina hol li, wani ni yam suma a he gagazid’a d’igi Abraham na na. Mam nabui pet,

1 Korente-na 1:23

Wani amiya, ami tchami ni wala Christ ma a b’alam akulo ata agunina. Ir Juif-fâ zla ndata ni vama dap asema, ir andjaf suma dingâ ni vama lilid’a mi.

1 Pierre 2:6

Alona mi de woi kur mbaktum mamba ala: An nga ni tin ahina d’a djik gonga kur Siyon; ni vama man ma kal teglesa. Sama he gagazid’a katna, zulona mba mi lum mbi.

1 Pierre 2:8

Mbaktumba hAlonid’a ti de kua ala: Mam nahina d’a dap asem suma, Nahina d’a ti puguzi kä d’a mi. Azi dap asezi atat kayam azi he nga gagazid’a yam zlad’a hAlonid’a d’i. Kayam ndata, Alona mi ngazizi kazi wana.