Romê-na 9:16 - Bible azumeina

¹⁶ Kayam ndata, nga nata minda hi sa d’i, d’oze sun mam mba led’a d’uo mi, wani nata Alo ma we hohoud’a tu go.

Romê-na 9:16 ပူးပေါင်းရင်းမြစ်များ

Sawal la giled’a 110:3

Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

Isai 65:1

Ma didina mi dala: Suma a djobon nga zlan nduo na, an humuziya. Suma a halan nga d’uo na, a fanu. An de mandjaf ma nga mi yan simiyên nduo na ala: An wana! An wana!

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Matiye 4:8

Diable mi djok ki sed’em akulo kua yam ahina d’a fiyak ka ked’iwurenga, mi tagam leu d’a yam andagad’id’a ki subur mata pet.

Wana ni Zla d’a Djivi d’a Luc mi b’irita 10:21

Ata yi máma, Jesus mi le furîd’a ad’u ad’enga hi Muzuk ma bei tchod’a ba nid’a, mi dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a azi ki suma wed’a, wani ang tagazi woi mi gugureina. Gagazi, Abunu, ang tang lang djivid’a á le hina.

Jean 3:8

Simetna nga mi sira yima mi min i kuana. Ang nga hum siwel mamba, wani ang nga we yima mi tcholï kuana d’i, d’oze yima mi i kuana d’uo mi. Suma pet suma Muzu’â hAlonina mi vud’uzina, ni hina mi.

Romê-na 9:11

Kid’a grotna a nga bei vuta tua d’a, Alona mi de mi Rebeka ala: Ma ngolâ mba mi ge yam kä ad’u ma gorâ. Mi dat hina navok bei azi le vama djivina d’oze ma tchona tua, kayam nga hurâ hAlona ma yam suma mi manazinina ndak memet. Hina, nga nata sun nda led’a d’i, wani nata Alo ma yazina.

Galat-na 2:2

An iya, kayam Alona tagan ala an iya. An vazi ad’u Zla d’a Djivi d’a an tchat walat aduk andjaf suma dingîd’a. Wani an väd’u zla ndata ni mi suma avorozina woi vaziya, kayam sun man nda avoka ki d’a tchetchemba a mbut vama hawana d’i.

Efes-sâ 2:8

Alona mi sud’ugi ni yam suma mamba ata lovot ta he gagazid’a. Wani nata sun magi d’a led’a d’i, kayam sana mi subur ki tam mbi. Wani ni he d’a hawad’a hAlonid’a.

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.