Romê-na 8:9 - Bible azumeina

⁹ Wani le Muzu’â hAlonina mi nga kaka kurugiya ni, agi nga tid’igi bugol minda hi sa magi ma adjeunid’a d’i, wani agi tid’igi ni yam minda hi Muzu’â hAloninid’a. Le sana mi nga ki Muzu’â hi Christ-sâ kurum mbuo ni, mam mi sa mama d’i.

Romê-na 8:9 ပူးပေါင်းရင်းမြစ်များ

Ezekiyel 11:19

An mba ni hagi hur ma tuna, an mba ni hagi muzuk ma awilina kurugiya, an mba ni pat hurâ hahinad’a ma kurugina woyo, an mba ni hagi hurâ hi sanina kurugi

Wana ni Zla d’a Djivi d’a Luc mi b’irita 11:13

Le agi suma tchona agi wagi á hahle suma djivina mi grogina ni, na ni Abugi ma sä akulona mba mi he Muzuk mam ma bei tchod’a ba na mi suma a nga tchenema kal luo zu?

Jean 14:17

Mam mi Muzuk ma tak gagazid’a hAlonid’a woi ma suma duniyad’a a ndak á vum kuruzi d’uo na, kayam a golom nga d’i, a wum nga d’uo mi. Wani agiya, agi wumu, kayam mi nga zlapa ki sed’egiya, mba mi kak kurugi mi.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

Jean 3:34

Mam ma Alona sunumïna, mi de ni zlad’a hAlonid’a, kayam Alona nga mi hum Muzuk mama ni bei ngad’a.

Jean 3:6

Sama sana mi vud’uma ni sana, sama Muzu’â hAlonina mi vud’uma ni hi Muzu’îna mi.

Sunda hi suma a sunuzinid’a 16:7

Kid’a azi mba go ki Misi-d’a, azi min á i Bitini, wani Muzu’â hi Jesus-na mi arazi nga lovota d’i.

Romê-na 7:5

Kid’a ei tid’i yam minda hi sa mei ma adjeunid’a, gata ti zut djib’er ra tchod’a á le sunda ir hliu tei á ï kur matna.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

Romê-na 8:11

Wani le Muzu’â hAlona ma mi tchol Jesus akulo aduk suma matnina mi nga kaka kurugiya ni, Alo ma mi tchol Christ akulo aduk suma matnina mba mi hagi arid’a ata hliwigi ma matna ni yam Muzuk mam ma nga kaka kurugina mi.

Romê-na 8:2

Kayam gata hi Muzu’â hAlonina d’a nga d’i he arid’a mi suma a zlap tu ki Jesus Christ-sîd’a, ti bud’un ndei kur gata hi tchod’id’a ki gata hi matnid’a mi.

1 Korente-na 15:23

Wani nge nge pî mba mi tchol ni ki yi mama; Christ ni ma avogozina pet, bugola, suma ala ni mama na a mba fe arid’a kur bur ma mam mba mi hulong kuana.

1 Korente-na 3:16

Agi wagi nga d’ala agi ni gong nga kud’ora hAlona d’a Muzuk mama nga kaka kuruta d’uo zu?

1 Korente-na 6:17

Wani sama zlap tu ki Salad’ina mi mbut ni muzuk ma tuna ki mamu.

1 Korente-na 6:19

Agi wagi nga d’ala hliu tagi ni gong nga kud’ora hAlona d’a Muzuk mam ma bei tchod’a ba ma mi hagizi nga kurugina d’uo zu? Agi nga ni yam tagi d’i.

2 Korente-na 10:7

Agi nga gologi ahle suma a nga abu pid’ak iragina. Le sama djib’er ala mam mi sana hi Christ-sâ ni, ar mi djib’er hina ala ami tami ni suma hi Christ-sâ d’igi mam na mi.

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

Galat-na 4:6

Kayam agi mbud’ugi groma, kayam ndata, Alona mi sunï Muzu’â hi Goromina kuri ma nga mi zud’i á yi ala Aba, nala, Abunu.

Galat-na 5:24

Wani suma hi Jesus Christ-sâ a b’al wa sa mazi ma adjeuna ki d’od’ok mamba ki min mamba akulo ata aguna.

Efes-sâ 1:13

Wani kid’a agi humugi zla d’a gagazid’a nala Zla d’a Djivi d’a sud’ugid’a, agi hagi gagazid’a yam Christ. Kayam ndata, Alona mi kagi geuna ki Muzuk mam ma bei tchod’a ba ma mi hle vunam kama.

Efes-sâ 2:22

Kayam mamu, a nga minigi akulo zlap tu á mbud’ugi gong nga kaka hAlonid’a yam Muzuk mama.

Efes-sâ 3:17

Ar Christ mi kak kurugi yam he gagazi magid’a. Ar sideyegi mi sir kä, ad’ugi ti pe kä kur od’a

Filip-ma 1:19

kayam an wala yam tchen magid’a ki ndjunda hi Muzu’â hi Jesus Christ-sîd’a, a mba gan akulo woi kur dangeina.

2 Timote 1:14

Ang ngom hat ta djivi d’a a hangzid’a abonga kad’enga hi Muzuk ma bei tchod’a ba ma nga kaka kurina.

1 Pierre 1:11

Muzu’â hi Christ ma nga kuruzina, mi tagazi ndaka hi Christ-sa woi ki subur mam mba mba bugola. Kayam ndata, azi so tazi á wad’ud’a yam atchogoid’a hi mba mambid’a kahle suma a mba le ata yi mamina mi.

1 Jean 3:24

Sama nga mi ngom vun ma hed’a hAlonina, mi nga ni kaka zlapa tu kAlona, Alona tamba mi nga kaka kurum mi. Ei wei ala Alona nga kaka kuri ni yam Muzuk mam ma mi heizina.

1 Jean 4:13

Hina wani, ei mba wei ala ei nga kaka zlapa tu kAlona, mam nga kaka kuri mi, kayam mi hei wa Muzuk mama.

1 Jean 4:4

Grona, agi ni suma hAlonina, agi kuzugi wa yam suma djok vun suma ka zlad’a, kayam Muzuk ma nga kurugina, mi kal muzuk ma nga kur suma duniyad’ina ki ngola.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Vama ndum mbeina 20:15

Sama lara pî ma fum nga simiyêm b’ira kä kur mbaktum mba ari ndata d’uo na, a gumî kur apo d’a akud’a.