Romê-na 8:7 - Bible azumeina

⁷ Suma a nga le minda hi sa mazi ma adjeunid’ina, ni suma djangûna hAlonina. Azi nga ge yazi kä ad’u gata hAlonid’a d’i, kayam azi ndak ki.

Romê-na 8:7 ပူးပေါင်းရင်းမြစ်များ

2 Sunda Hamuleinid’a 19:2

Jehu Hanani ma djok vuna goroma mi ndeï á d’ugulomu, mi dum ala: Ni kayam me ba, ang ndjun sama asa’atna ge? Na ni ang le yam vama Ma didina mi noyôm mbeina zu? Ni kayam ndata ba, Ma didina hurum zal kang wana.

Wana ni mbaktumba hi Job-pa 15:13

Ata yima ang djok djib’er ra tchod’a á kak djangûna kAlonina, andjaf zla d’a tchod’a ti ndavunang wan nduo zu?

Sawal la giled’a 53:1

Ni sawal la gile d’a David mi hlat mi hat mi ma ngolâ hi suma hle sawalina.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Jeremi 13:23

Ma Etiyopi-na mi ndak á mbut babagam zu? Sindilâ mi ndak á mbut d’udjo mamba zu? Hina mi, agi suma had’agi ki tcho d’a led’ina, agi ndak á lagi djivid’a d’uo mi!

Ezekiyel 14:5

Hina wani, zlad’a mba d’i ve Israel suma a wal ki sed’en yam filei mazi ma tetengâ kuruzi krovo.

Matiye 12:34

Agi gro mageid’a, ni nana ba, agi suma tchona ndak á de vama djivina ge? Kayam ahle suma a nga oîd’a kur sanina ba, a buzuk kei avunam á ded’a.

Matiye 5:19

Kayam ndata, sama lara ge ma tchila yam vun ma he ma ngiyeû ma aduk ma wanina, nga mi hat ki suma dingâ mi ni, a mba mbud’um gogorâ kur leu d’a akulod’a. Wani sama ngom vun ma he máma, mi hat suma dingâ mi ni, a mba mbud’um ma ngolâ kur leu d’a akulod’a.

Jean 7:7

Suma duniyad’a a ndak á noyôgi d’i, wani a noyônu, kayam an nga ni le glangâsâ kazi ala sun mazi d’a led’a ni tchod’a.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

Romê-na 1:30

suma kulo’â, suma a kak djangûna kAlonina, suma asa’atna, suma yam mba ad’enga ki suma subur tad’a. Azi nga hal lovot ta awilid’a á le tchod’a, a nga hum vun simiyêzi d’uo mi.

Romê-na 3:31

Na ni he gagazi meid’a ti mbut gata vama hawana zu? Nga na d’i! Wani he gagazid’a ti hei nad’enga á sira gata memet.

Romê-na 5:10

Adjeu ei ni suma djangûna kAlona, wani matna hi Goromina mi zlabei darigïd’a ki mamu. Le Alona mi zlabei darigïd’a ki mam na ni, kal pet, mba mi sud’i woyo, kayam Goroma mi nga karid’a.

Romê-na 7:22

An tan nga ni le furîd’a kurun krovo yam gata hAlonid’a.

Romê-na 8:4

Hina, le ei nga tid’i bugol sa mei ma adjeuna d’uo wani le ei nga tid’i ni bugol Muzu’â hAlonina ni, ei ndak á lei vun ma djinda hi gatina memet kuriya.

1 Korente-na 2:14

Sama nga ki Muzu’â hAlonina d’uo na, mi ndak á ve gagazi d’a tcholï ata Muzuk mámid’a d’i. Ndat ni vama lilid’a iramu, mi ndak á wal ir ahlena hi Muzuk mámina d’uo mi.

1 Korente-na 9:21

Hina mi, ata yima an nga aduk suma bei we gatina, an mbut tan d’igi azi na, wani an nga ad’u gat ndata d’i, kayam á faziya. Nala, an ge nga ni yan kä ad’u gata hAlonid’a d’uo na d’i, kayam an ge yan kä ad’u gata hi Christ-sa.

Kolos-sâ 1:21

Agi ni suma adjeu wala woi dei kAlonina. Kur djib’er magid’a agi ni suma djangû mama kur sun magi d’a tcho d’a led’a.

Kolos-sâ 2:18

Ar sa mi yogi wurak magid’a ata lovot ta ge yamba kä kukud’uk á kud’or malaikana d’i. Sama hina na mi tin djib’er mamba ni yam ahle suma a nde tazi woi irama. Ni sama yam mba ad’enga kur djib’er mamba hi hliwim mba hawa yakina,

2 Timote 3:4

Azi ni suma ka hula, suma tchila yam gata, suma subur tad’a kal kazina, suma a le yam furîd’a hi duniyad’id’a kal Alonina.

Hebre-na 8:10

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kur djib’er mazid’a, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.

2 Pierre 2:14

Irazi nga tinda yam aropma teteu á le mizeuna ki sed’eziya. Azi ndak á ar tchod’a d’i. Azi nga ve suma amangeîna ki dauna. Djib’er mazid’a nga zud’uzi á le d’od’ok ka fe beged’a. Azi ni suma Alona mi gazi vunina.