Romê-na 8:39 - Bible azumeina

³⁹ d’oze ad’eng nga teteng nga sä akulod’a, d’oze ad’eng nga teteng nga ad’u andagad’a kä d’a, d’oze vama ding ma Alona mi lum ma mba ndak á walei woi ki od’a hAlona d’a mi lat kei yam Jesus Christ Saleinid’a nga d’i.

Romê-na 8:39 ပူးပေါင်းရင်းမြစ်များ

Sawal la giled’a 64:6

Azi nga he tazi ad’enga kur zla mazi d’a tcho ndata, azi nga gun dauna kä gumunu, azi nga dala: Sa mba mi wumî nge ge?

Zla d’a d’ogolâ 20:5

Djib’er ra kur sana krovod’a ni d’igi mbiyo ma galilei ma yiyi’â na, wani sama wad’ud’a nga mi we lovot ta mi ndat tei abud’a.

Sawal la kal teglesa 3:4

An gazi woi hina nde, an fe ma an hurun vum heîna. An vumu, an tchugum nga d’i gak an kal ki sed’em avo hasunu, klavi hi d’a vud’unda.

Isai 10:33

Gola! Salad’a Ma didin ma ad’engêm kal petna mba mi kus abo aguna woi ndjondjom, mba mi ka agu ma fuyogeina kä woyo, mba mi tchuk ma fuyogei ma kal papana kä woi andaga.

Isai 24:21

Kur bur máma Ma didina mba mi ngop ahle suma sä akulona, mba mi ngop amulei suma yam andagad’a ka hina mi.

Daniel 4:11

Agu máma mi ngola, mad’enga mi. Yam mba akulo teleweta ti do hur alona. Suma avun dabid’a handagad’ina pet a wumu.

Matiye 24:24

Suma ka zlad’a a mba tchol a mba yi tazi ala azi ni Mesi, suma dingâ a dala azi ni suma djok vun Alona. A mba lahle suma simat suma nglona kahle suma ndandalâ, kayam le a ndaga ni, a mba lop vun suma Alona mi manazina mi.

Jean 16:27

kayam Abun tamba nga mi le kagiya, ni kayamba agi lagi kanda, agi hagi gagazid’a ala an tcholï ni gen Alona d’a mi.

Jean 17:26

An tagizi simiyêngû, an mba tagazizi kua, kayam o d’a ang lat kanda, ti kak kuruziya, an kak kuruzi mi.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Romê-na 1:7

An nga ni b’ir mbaktum mba wanda mi agi Romê-na pet suma Alona mi le kagi heî mi yagi á kak sum mama mi na. Ar Alona Abuya ki Salad’a Jesus Christ a vagi sumad’a ki b’leng nga halasa.

Romê-na 11:33

Ndjondjoîd’a hAlonid’a ki ned’a ki we mamba ad’uzi ni zula yiyik. Ni nge mi ndak á väd’u sariya mamba ki nga hur mama ge?

Romê-na 5:8

Wani Alona mi tagei o mam mba keid’a woi ala kid’a ei ni suma le tchod’a tua d’a, Christ mi mit keya.

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

Romê-na 8:35

Sama ndak á walei woi ki od’a hi Christ-sa ni nge ge? Ndaka, d’oze kid’eî ira, d’oze djop vuna, d’oze meid’a, d’oze hohoud’a, d’oze bad’a, d’oze matna zu?

2 Korente-na 11:3

Wani an nga ni le mandarâ kagiya. Ar djib’er magid’a ti b’lak ki, ar agi walagi djin magi d’a d’engzeng nga yed’et ta ki Christ-sa woi d’igi guguina mi lop Ef ki lem mamba na d’i.

2 Korente-na 2:11

kayam ar Seitan mi kus kei d’i, kayam ei wei lem mamba.

Efes-sâ 1:4

Mi manei zlapa tu ki Christ avok dei bei ad’u tinda hi duniyad’a, kayam ei kagei sum mama bei zlad’a kei ba avoromu.

Filip-ma 3:12

An nga ni dala: Vama an nga ni digima, an vum wa da d’oze an ndak wa memed’u na d’i. Wani an nga ni ring á ve va máma, kayam Jesus Christ mi van wa mi.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Filip-ma 3:8

An gol ahle ndazina pet ni d’igi vama hawana na, wani vama djivi ma kal tegles ma an halama ná we Jesus Christ Salana, mam ma an ar ahlena woi pet kama. An gol ahle ndazina pet ni d’igi siligitna na á fe Christ,

2 Tasaloni’â 2:4

Ni ma mba kak djangûna kahlena pet suma a nga yazi ala Alona na d’oze ahle suma a nga kud’urozina, mba mi hle yam akulo gak mi i kak kur gong nga kud’ora hAlonid’a ala mam tamba nAlona.

1 Jean 4:16

Hina, ei wei od’a hAlona d’a mi lat keid’a. Kayam ndata, ei hei gagazid’a kad’u. Alona tamba ni od’a. Sama nga mi le od’ina, mi nga ni kaka zlapa tu kAlona, Alona mi nga kaka kurum mi.

1 Jean 4:19

Ei nga lei od’a, ni kayamba Alona mi le kei adjeud’a.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:14

Mi vit suma yam andagad’ina woi kahle mam suma atchap suma a humzi á led’a avok ambur ma avok mámina. Mi de mi suma yam andagad’ina á yor vana á subur ambur ma a kam yam mbilâ ki mbigeu d’a fiyaka mi tchilâ.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 2:24

Wani agi suma ding suma kur Tok ka Tiyatir-ra suma zlabagi nga ki hat ta tcho ndata d’uo na, agi had’agi nga vama a yum ala Zul la yiyik ka mudurid’a hi Seitan-nda d’uo na, an nga ni dagi woyo, an dok tinigi vama anek ma ding kagi d’uo d’a.

Vama ndum mbeina 20:3

Malaikana mi gum kur zul la yiyika, mi dugum vunam ki lakled’a, mi kat geuna, kayam dragon máma dok mi vit andjaf suma woi d’uo d’a gak biza d’a dubud’a ndak tua. Bugola, a mba bud’um akulo á kak ndjö.

Vama ndum mbeina 20:7

Fata biza d’a dubud’a ndaka, a mba ge Seitan-na akulo woi kur dangei mama.