Romê-na 8:38 - Bible azumeina

³⁸ Kayam an we tetet ala matna, d’oze arid’a, d’oze malaika suma tetengâ, d’oze suma te yam suma sä akulona, d’oze vama tchetchema, d’oze vama nga mbana, d’oze ad’eng nga tetenga,

Romê-na 8:38 ပူးပေါင်းရင်းမြစ်များ

Jean 10:28

An hazi ari d’a didinda, azi mba bo d’i, sama mba mi prud’uzi woi abona nga d’i.

Romê-na 14:7

Kayam sama adigei ma kak karid’a yam tama nga d’i, sama mit yam tam nga d’uo mi. Le ei nga karid’a ni, ei nga karid’a ni yam Salad’a;

Romê-na 14:8

le ei boya, ei boi ni yam Salad’a; le ei kagei karid’a d’oze le ei boya ni, ei ni suma hi Salad’ina mi.

Romê-na 4:21

Mam we tetet ala Alona mi ndak á le vama mi hlum vunam kama.

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

1 Korente-na 15:24

Bugola, dabid’a mba d’i mba. Christ mba mi b’lak muzuk ma teteng ma te yamba ki muzuk ma nga mi he vunina ki muzuk ma ad’eng ma kur simetnina pet teyo. Ata yi máma, mam mba mi he leud’a mAbum Alona.

2 Korente-na 11:14

Nga ni vama atchap pi, kayam Seitan tamba nga mi mbut tam d’igi malaika ma b’od’a na.

2 Korente-na 4:13

Mbaktumba hAlonid’a ti dala: An he wa gagazid’a. Kayam ndata, an de. Ami mi, ami hami gagazid’a d’igi mam na mi. Kayam ndata, yam he gagazi mamid’a, ami nga damiya.

Efes-sâ 1:21

Christ nga mi te yam suma te yamba pet, yam vun ma hed’a, yam suma ad’enga, yam suliyo d’a sud’a pepet ki simi ma lara ge pet ma a nga yuma, ni kur atchogoi d’a wanda hol li, wani kur ra nga d’i mbad’a mi.

Kolos-sâ 1:16

Alona mi lahlena pet ni ki mamu, nala, ahle suma sä akulona kahle suma yam andagad’ina kahle suma a nga wazi ki irina kahle suma bei wazi ki irina, suma ad’enga ki suma suliyod’a ki suma te yamba ki suma te leud’a. Alona mi lahlena pet ni ki mamu, ni kam mam mi.

Kolos-sâ 2:15

Christ mi yo ahle suma dur ayîna hi muzuk ma teteng ma tcho ma te yamba ki muzuk ma teteng ma ad’eng ma sä akulona woyo, mi tagazi woi pid’ak ala mi kus kazi nakulo ata agu ma b’ala.

2 Timote 1:12

Kayam ndata, an nga ni fe ki ndaka wana, wani an nga ni le zulona d’i, kayam an we tetet ala mam ma an hum gagazid’ina, mi ndak á ngom vama mi handji abona gak bur máma.

Hebre-na 11:13

Azi pet a bo ni kur he gagazid’a. Azi nga bei fahle suma Alona mi hlazi vunam kazina, wani azi nga golozi sä woi hina dei ki furîd’a. Azi nga dala azi ni suma tita d’igi angoyogeina na kur duniyad’a ka hî.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.