Romê-na 8:36 - Bible azumeina

³⁶ D’igi mbaktumba hAlonid’a ti de na ala: Ni kayam ang ba, a nga tchami burâ ki burâ, a nga golomi d’igi tumiyô suma a izi ata yima ngatina na.

Romê-na 8:36 ပူးပေါင်းရင်းမြစ်များ

Sawal la giled’a 141:7

D’igi sana mi zum andagad’a mi wagat tei na, asogomi pî mi b’rau woi ata yima azuleina na mi.

Sawal la giled’a 44:11

Ang dadagami kazigami avok mami suma djangûna; suma a noyômina a hurumumi ahle mamina mi.

Sawal la giled’a 44:22

ang Alo ma we hur sumina, ang mba ar bei we zla ndata d’i.

Isai 53:7

A kid’eyêm iramu, wani mi ge yam kä, mi mal nga vunam mbi. Mi hle tamî d’igi gor timi ma a im ata yima ngatina na, d’igi timi ma nga tchola mudjuk avok suma tchawama na, bei mi mal vunam ba.

Jeremi 11:19

Wani an ni d’igi timi ma kukud’ok ma a im ata yima ngatina na. An we nga vunazi ma ndjak ma a ndjagam kan ala: Ei tchi angusâ woi ki vud’umu; ar ei kam mbei yam andagad’a hi suma a nga ki irazina, ar sa mi djib’er yam simiyêm bugol luo d’angû na d’i.

Jeremi 12:3

Ma didina, ang wanu, ang golon mi. Ang halan hurunu, an nga go ki sed’engû. Ar ang yozi woi d’igi suma a yo tumiyôna a izi á ngata na, ar ang tinizi irazi vazi yam bur ma tchid’a.

Jeremi 51:40

An mba ni i ki sed’ezi ata yima ngata d’igi a i ki gro tumiyôna na, d’igi a i gamlâna ki mbekmberena na mi.

Jean 16:2

Suma a mba digigi woi abu kur gongîyo mazi suma toka. Yina nga mi mba, ata yi máma, sama lara pî ma mba mi tchagina, mba mi djib’er ala mam le ni sunda mAlona.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 8:32

Zla d’a mam nga mi ndumut ta kur mbaktumbid’a ba wana: Mi hle tamî d’igi timi ma a im ata yima ngatina na, d’igi gor timi ma nga tchola mudjuk avok ma tchawama na, bei mi mal vunam ba.

1 Korente-na 15:30

Ni kayam me ba, ami nga hami tami avun matna teteu ge?

1 Korente-na 15:31

B’oziyona, an nga avun matna burâ ki burâ. Wana ni subur manda kagiya, kayam tit mei d’a zlapa ki Christ Jesus Salad’id’a.

1 Korente-na 4:9

Kayam an wala ami ni suma Alona mi tinimi suma a sunuzi suma bugolâ, d’igi suma a kazi sariya d’a matna kazina na. Ami mbud’umi ni d’igi vama lasa na kur duniyad’a pet, ir malaikana, ir suma mi.

2 Korente-na 1:9

Ami djib’eremi kurumi ala ami mba bami ni woyo. Kayam ndata, ndak mamid’a ti zud’umi á tinimi hurumi yam ami tami d’i, wani ni yam Alo ma tchol suma matna akulona hol.

2 Korente-na 11:23

Azi nazungeîna hi Christ-sâ zu? An nga ni de d’igi sama vit teina na. An kalaziya, an le sunda kalazi mi. A gan dangeina yazi ablaud’a kala, a ton ngola kala, an ar gogo á matna yan ablaud’a kal mi.

2 Korente-na 6:9

Ami ni d’igi suma bei suma a wazina na, wani suma a wami pet. Ami ni d’igi suma a nga bona na, wani d’igi agi wagi na, ami nga karid’a. Azi nga golomi ni d’igi suma a tozi na, wani ami bomi nga d’i.

Filip-ma 3:10

Vama an minima ná we Christ á we ad’enga hi tchol mam mba akulo aduk suma matnid’a kur tit manda, á fe ndaka zlapa ki mamu, á ndjak ki mat mama,