Romê-na 8:34 - Bible azumeina

³⁴ Sama ndak á ka sariyad’a kazina ni nge ge? Sa nga d’i, kayam Jesus Christ mi mid’a, kal pet mi tchol akulo aduk suma matna, mi nga kaka ata Alona bigam mba ndjufa, nga mi tchen Alona kei mi.

Romê-na 8:34 ပူးပေါင်းရင်းမြစ်များ

Wana ni mbaktumba hi Job-pa 33:24

Alona mba mi wum hohowomu, mba mi de mi malaikana ala: Ang prud’um mbeyo, aram mi nde kä kur zula d’i, kayam an fe wa vama wurak kama da’.

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu

Sawal la giled’a 109:31

Kayam mam mi grangâ hi sama houd’a á sud’um mbei abo suma a vum ki zlad’ina.

Sawal la giled’a 37:33

wani Ma didina mba mi aramzi abom mbi. Ata yima a nga kam sariyad’a kama, Ma didina nga mi aram mbei d’i.

Isai 50:8

Ma pad’an zlad’a kan ndeina mi nga go ki sed’enu. Ni nge ba, mi min kal ki sed’en ata yima ka sariyad’a ge? Ar ngavami tami kua. Ni nge ba, mi min mi kak djangûna ki sed’en nge? Ar mi ngavanu!

Isai 53:12

Ni kayam ndata ba, an mba ni hum b’rau mamba ki suma nglona. Mam mba mi b’rau ahle suma a hurumuzï avun ayînina ki suma sib’ika kayam mi he tam mbei á matna. A ndumum zlapa ki suma tchila yam gata, kayam mi hle tchod’a hi suma ablaud’a kamu, mi tchen yam suma zlad’a nga kazina mi.

Jeremi 50:20

Ma didina mi dala: Kur bur máma, ata yi máma, a mba hal tchilad’a hi Israel-lîd’a, a mba fat ti, a mba hal tchod’a hi suma Juda-nid’a, a mba fat tuo mi. Kayam an mba ni vat hurun ndei yam suma an mba ni arazina.

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Jean 14:19

Ar ndjö, suma duniyad’a a mba wan nduo d’a, wani agi mba wan kayam an nga karid’a, agi mba kagagi karid’a mi.

Jean 16:23

Kur bur máma agi mba djobon yam va d’i. Gagazi, an nga ni dagiya, agi le tchenegi Abun ni me pî ki simiyênu ni, mba mi hagiziya.

Sunda hi suma a sunuzinid’a 2:24

Wani Alona mi tcholom akulo, mi pad’am mbei kur ndaka hi matnid’a, kayam matna nga kad’enga á vum kä d’i.

Romê-na 14:13

Kayam ndata, ar ei kei sariyad’a yam tei d’i. Vama kalâ, ar ei djib’erei hina: Ar sa mi mbut ahina d’a dap asema avok wiyema á pugum kur tchod’a d’i.

Romê-na 14:9

Kayam ndata, Christ mi mid’a, mi tchol akulo aduk suma matna karid’a á mbut Sala suma matna ki suma arina mi.

Romê-na 4:25

Alona mi hum mbei á tchid’a yam tcho meid’a, wani mi tcholom akulo aduk suma matna á mbud’i suma d’ingêrâ avoromu.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

Romê-na 8:27

Alo ma mi we hur sumina, mi we djib’era hi Muzu’îd’a, kayam Muzu’â nga mi tchen Alona yam sum mama kur minda hAlonid’a.

Kolos-sâ 3:1

Alona mi tchologi akulo á kak karid’a zlapa tu ki Christ. Kayam ndata, ar agi halagi nahle suma sä akulona, ata yima Christ mi nga kaka kua ata Alona bigam mba ndjufina.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

Hebre-na 9:24

Kayam Christ mi kal nga nata yima a tinim iram vam mAlona ma suma a lum kabozi ma hle tam ki ma gagazinina d’i. Wani mi kalî kur akulod’a tata á tak tam mbei avok Alona ki tchetchemba keya.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.