Romê-na 8:30 - Bible azumeina

³⁰ Suma mi ngazi kurum avok deina, mi yaziya; suma mi yazina, mi mbud’uzi suma d’ingêrâ avoromu; suma mi mbud’uzi d’ingêrâ, mi suburuzi mi.

Romê-na 8:30 ပူးပေါင်းရင်းမြစ်များ

Isai 41:9

agi suma an yagï avun dabid’a handagad’ina, an yagi yam andaga d’a deid’a, an dagi ala: Agi nazungeî mana, an managiya, an mba ni aragi woi d’uo d’a!

Jean 17:22

Subur ra ang suburun ki d’a, an suburuzi ki wa, kayam azi kak tu d’igi ei tu na mi.

Jean 17:24

Abunu, an min ala suma ang handjina a kak ki sed’en ata yima an mba ni kak kuana, kayam azi we subur man nda ang suburun ki d’a, kayam ang le kan avok dei bei ad’u tinda hi duniyad’id’a.

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

Romê-na 1:6

Agi Romê suma Alona mi yagi mi mbud’ugi suma hi Jesus Christ-sâ, agi nga adigazi mi.

Romê-na 11:29

Kayam Alona nga mi mbut djib’er mamba kä yam suma mi b’e vunam kazi suma mi yazina d’i.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

Romê-na 8:21

bur tu Alona mba mi pat ahle suma mi lazina pet woi ad’u ad’enga hi ma b’lagazi ma vazi magombina, mba mi suburuzi ata yima mam mba mi but groma akulona mi.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

1 Korente-na 1:2

Ami nga b’irimi mbaktum mba wanda mi agi Toka hAlona d’a sä Korente-d’a, suma Alona mi yagi mi mbud’ugi sum mama, mi tinigi iragi vagi zlapa tu ki Jesus Christ-sâ, mi suma pet suma ata yima lara ge pet suma a nga yi simiyê Saleina Jesus Christ-sâ mi. Mam ma ala ni Salazina, ni Saleina mi na.

1 Korente-na 1:9

Alona ni Ma d’engzeng ma yam vun mam ma hled’ina, ni ma yagi á kagagi zlapa tu ki Goroma Jesus Christ Saleinina.

1 Korente-na 2:7

Wani an nga ni tchi wal zla d’a ne d’a mudurid’a hAlona d’a mi ngeyet tei ir sumid’a, ni d’a Alona manat avok dei bei ad’u tinda hi duniyad’a yam subur meid’id’a.

1 Korente-na 6:11

Suma dingâ adigagi adjeu ni hina mi. Wani ki tchetchemba, Salad’a Jesus Christ ki Muzu’â hAlo meinina a mbud’ugi wa woi yed’et kur tchod’a, a tinigi wa iragi vagi mAlona, a mbud’ugi wa d’ingêr avok Alona mi.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

Galat-na 1:15

Wani yam sumad’a hAlonid’a, mi manan avok bei a vud’unu, mi yan á lum sunda.

Galat-na 1:6

An le atchap kayamba agi walagi woi atogo zak ki mam ma yagi yam sumad’a hi Christ-sa á igi bugol Zla d’a Djivi d’a dingina.

Galat-na 5:8

Djib’er ndata tcholï nata Alo ma yagina d’i.

Efes-sâ 1:11

Kayam ndata, mi zlabei tu ki Christ, mi mbud’i sum mama, mi manei avok dei yam nga hur mama, mi lahlena pet d’igi mam nga hurum avok dei á led’a na mi.

Efes-sâ 1:5

Ni yam o mamba ba, mi nga hurum avok dei á mbud’i groma zlapa tu ki Jesus Christ. Ni kur min mamba á lum tam djivid’a.

Efes-sâ 2:6

Mi zlabei tu ki Jesus Christ, mi tcholei akulo zlapa tu ki mam á kagei kur yima sä akulona.

Efes-sâ 3:11

Alona mi le hina kayam nga hur mam ma avok deina mi ndak memet yam Saleina Jesus Christ.

Efes-sâ 4:4

Agi wagi ala hliu tad’a ni tu, Muzu’â hAlonina ni tu mi, d’igi Alona mi yagi á tinigi hurugi yam vama tuna na mi.

Kolos-sâ 3:4

Fata Christ ari meid’a nde woid’a, agi mba buzugugi woi zlapa tu ki mam kur subur mamba mi.

1 Tasaloni’â 2:12

Ami gigid’egiya, ami b’lengêgi kurugiya, ami zud’ugi kam kua kam kua ala agi tid’igi ndak ata minda hAlo ma nga mi yagi á igi kur leu mamba ki subur mambina.

2 Timote 2:11

Zla ndata ni zla d’a irata: Le ei boi zlapa ki mamu ni, ei mba kagei zlapa ki mam mi.

Hebre-na 9:15

Kayam ndata, Christ ni Ma aduk suma kAlona yam vun ma djin ma awilinina, kayam suma Alona mi yazina a fahle suma djivi suma didin suma mi hlazi vunam kazina. Azi ndak á fazi yam matna hi Christ ma wurak kazi yam tchila d’a azi tchila yam vun ma djin ma avo’îna.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

1 Pierre 3:9

Agi hulongôgi tchod’a kayam tchod’a d’i, ar agi hulongôgi ngula yam ngula d’uo mi. Wani agi b’agi ni vuna kaziya, kayam ata yima Alona yagina, mi hle vunam ala mam mba mi b’e vunam kagiya.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

2 Pierre 1:10

Kayam ndata, b’oziyona, ar agi b’ad’agi tagi á tchologi ngingring yam yi d’a Alona mi yagid’a ki man nda mi managid’a mi. Le agi nga lagi ahle ndazina ni, agi mba aragi he gagazi magid’a woi d’i.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 19:9

Malaikana mi dan ala: Ang b’ir kur mbaktumba ala: Suma a yazi kur tela hi Gor timinid’a a le furîd’a. Mi de kua ala: Zla ndata ni zla d’a gagazid’a hAlonid’a.