Romê-na 8:19 - Bible azumeina

¹⁹ Kayam ahle suma pet suma Alona mi lazina a nga hat huruzi á djup bur ma Alona mba mi tak groma woina.

Romê-na 8:19 ပူးပေါင်းရင်းမြစ်များ

Isai 65:17

Ma didina mi dala: An nga ni lakulo d’a awilid’a kandaga d’a awilid’a. Sa mba mi djib’er yam ahle suma kalâ d’i, sa mba mi hulong djib’er kazi d’uo mi.

Matiye 5:9

Suma a nga zlap suma darigïd’ina a le furîd’a, kayam Alona mba mi yazi ala Groma.

Jean 1:12

Wani suma hiu suma a vat atazi a he gagazid’a katna, sum ndazina ti hazi ad’enga á mbut Alona groma.

Sunda hi suma a sunuzinid’a 3:21

Djivid’a mam kak sä akulo gak Alona mi tin ahlena pet suma mi dazi avun mam suma djok vun suma mam tinizi irazi vazi avok deina ata yazi tua.

Romê-na 8:14

Kayam suma pet suma Muzu’â hAlonina nga mi tagazi lovotina, azi nAlona groma.

Romê-na 8:16

Muzu’â hAlonina tamba nga mi le glangâsâ kur muzugei ala ei nAlona groma.

Romê-na 8:18

An djib’er ala ndak mei d’a ki tchetchem wanda mba d’i ndjak ki subur ra Alona mba mi tageizi woid’a d’i.

Romê-na 8:23

Ni kayam azi hol li, wani ei suma nga ki Muzu’â hAlonina d’igi he d’a hawa d’a avoka hAlonid’a na na, ei nga zamei tei kuri krovo á djubi pat ta Alona mba mi pad’eï ei groma woi kur hliwid’a.

Romê-na 9:26

Ata yima mi dazi ala: Agi ni sum mana d’uo na, ata yi máma, a mba yazi ala Alo ma bei matna groma.

1 Korente-na 1:7

Kayam ndata, he d’a hawad’a hAlonid’a tu pî ti kid’agagi nga agi suma nga djubugi bur ma Saleina Jesus Christ mba mi nde woina d’i.

1 Korente-na 1:8

Ni mam ma mba mi hagi ad’enga gak bur ma dabid’a, tala agi kagagi suma bei zlad’a kagi ba kur bur ma mbad’a hi Saleina Jesus Christ-sâ na.

2 Korente-na 6:18

Ma didin ma ad’engêm kal petna mi dala: An mba ni ka’î Abugiya, agi mba kagagi gron suma andjofâ ki gron suma aropma mi.

Galat-na 3:26

Ni kayam he gagazid’a ba, agi pet mbud’ugi Alona groma zlapa tu ki Jesus Christ.

Filip-ma 1:20

Kayam an nga ni djuba, an tin hurun ala an mba ni mbut zulona yam va tu d’i. Wani bei mandarâ ba, ki tchetchemba, d’igi an nga ni le teteu na, le an nga ki iran ndoze le an mit pî, ar suma a subur Christ kanu.

Kolos-sâ 3:4

Fata Christ ari meid’a nde woid’a, agi mba buzugugi woi zlapa tu ki mam kur subur mamba mi.

Hebre-na 12:27

Zla d’a ala: Ar kua yan tu d’a, ti tagei nala ahle suma a lazina a mba giged’a, a mba kal leyo, kayam vama bei gigeta ba na, mi ar kaka.

1 Pierre 1:13

Kayam ndata, agi vagi tagi ad’enga á le sunda, agi kagagi ki ndjola, agi tinigi hurugi pet yam he d’a hawa d’a agi mba fat kur bur ma Jesus Christ mba mi nde woina.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

1 Jean 3:1

Agi gologi andjaf o d’a ngol la Abui Alona mi lat kei á yï ala ei ni groma d’a. Ni ei wana. Suma duniyad’a a wei nga d’i, kayam azi wum nga d’i.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.

Vama ndum mbeina 21:7

Suma a mba kus ayînina, an mba ni hazi he d’a hawad’a, an mba narî Alo mazina, azi mba mbut grona.