Romê-na 7:7 - Bible azumeina

⁷ Kayam ndata, ei mba dei nana ge? Gata ni tchod’a zu? Nga na d’i! Wani gata ti tagan tcho manda. Ladjï gata ti dala: Ang le d’od’oka d’i d’uo ni, an ndak á we d’od’oka d’i.

Romê-na 7:7 ပူးပေါင်းရင်းမြစ်များ

Ad’u Tinda 3:6

Atchad’a ti wala agu máma mi djivid’a á gola, mi djivid’a á ted’a, mi djivid’a kal á wad’ud’a tetet. Kayam ndata, ti mat abod’u, ti ndot vud’agu máma, ti tumu, ti hum mi ndjuvut ma nga ki sed’etna, mi tum mi.

2 Samuel 11:2

Ki fladeged’a David mi tchol akulo ata yam ma burâ, nga mi ngui tita akulo yam gong nga amula, mi watchad’a tu nga d’i mbuza; ti djif heî.

Sawal la giled’a 119:96

An we dabid’a hahle suma djivinid’a pet, wani vun mang ma hed’a, dabi mamba nga d’i.

Buzuk ka Abud’a 20:17

Ar ang le d’od’oka yam vama lara pî ma hi ndrangîna d’i, nala, gong mamba, d’oze amamba, d’oze azong mama, d’oze wei mamba, d’oze amuhl mama, d’oze koro mama.

Mise 2:2

A nga le d’od’oka yam asinena hi sumina, a hlumu, a nga le d’od’oka yam azina hi sumina, a hlum mi. A nga hurum suma ki sum mazina, a nga le sana murud’umba á hle djo mama mi.

Matiye 5:28

Wani an nga ni dagiya, sama gol atchad’a hi sama dingîd’a mi le d’od’oka katna, mi le wa mizeuna ki sed’et kurum da’.

Wana ni Zla d’a Djivi d’a Luc mi b’irita 12:15

Mi dazi kua ala: Agi gologi tagi djiviya, ar agi lagi yam beged’a d’i, kayam ari d’a gagazid’a hi sanid’a nga ni yam ahle mam suma djivina d’oze yam ndjondjoîd’a d’i.

Wana ni Zla d’a Djivi d’a Luc mi b’irita 20:16

Mi mba mi ba suma sun ndazina woyo, mba mi he asine máma woi mi suma dingâ. Kid’a suma a hum zla ndatid’a, a dala: Ar ahle ndazina mba d’i.

Sunda hi suma a sunuzinid’a 20:33

An le nga d’od’oka yam beged’a d’oze lor roze baru hi sa d’i.

Romê-na 13:9

Kayam vun ma hed’a mi dala: Ar ang le mizeuna d’i, ar ang tchi sa d’i, ar ang kul li, ar ang le d’od’oka d’uo mi. Vun ma he ma dingâ pet a togomî kur vun ma he máma tu ala: Ang le yam ndrangâ d’igi ang tanga na.

Romê-na 3:20

Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.

Romê-na 3:5

Wani le ni tcho meid’a ba, nga d’i tak d’ingêra hAlonid’a woi abua ni, ei mba dei nana? Ei mba dei ala Alona ni ma bei d’ingêrâ ba, mi mba ka ayî mama keya zu? (An nga ni de ni d’igi suma a nga de na.)

Romê-na 4:1

Ei mba dei yam abui ngolo Abraham ma kur hliunina ala mi fe ni me ge?

Romê-na 4:15

Ni kayam gata ba, ayîna hAlonina mi mba, wani le gata nga d’uo ni, tchila yam gata nga d’uo mi.

Romê-na 5:20

Wani ata yima gata ti mbana, tchilid’a ti zula. Wani ata yima tchod’a ti zulâ, sumad’a hAlonid’a ti zul ngola kala.

Romê-na 6:15

Ni nana ge? Ei mba lei tchod’a kayambala ei nga ad’u gata d’i, wani ei nad’u sumad’a hAlonid’a d’a zu? Nga na d’i!

Romê-na 7:11

Ni kayam vun ma hed’a ba, tchod’a ti fe lovota á lobonu. Ni yam vun ma he máma ba, tchod’a ti tchan ndei mi.

Romê-na 7:13

Na ni vama djivina mi mbut vama tchana zu? Nga na d’i! Wani ni tchod’a ba, ti tchan ndeyo. Wani ata yima tchod’a ti le sunda yam vun ma hed’a hi gatina, ti tak kei ala tcho d’a tata ni vama tchona. Hina, yam vun ma hed’a ba, tchod’a ti mbut tcho d’a ngol la kala.

Romê-na 7:5

Kid’a ei tid’i yam minda hi sa mei ma adjeunid’a, gata ti zut djib’er ra tchod’a á le sunda ir hliu tei á ï kur matna.

Romê-na 7:8

Wani tchod’a ti fad’enga ni yam vun ma hed’a hi gatina á le sun nda d’od’oka teteng kurunu. Ladjï gata nga d’uo ni, tchod’a ni vama matna.

1 Korente-na 15:56

Ad’enga hi matnid’a ni tchod’a, ad’enga hi tchod’id’a ni gata mi.

Efes-sâ 5:3

Wani agi ni suma a tinigi iragi vagina. Kayam ndata, ar mizeuna ki sun nda ndjendjed’a ki a’arad’a, ar agi yazi simiyêzi adigagi d’i.

Gat ta a hat á mbàd’id’a 5:21

Ar ang le d’od’oka yam vama lara pî ma hi ndrangîna d’i, nala, amamba, d’oze gong mamba, d’oze asinemu, d’oze azong mama, d’oze wei mamba, d’oze amuhl mama, d’oze koro mama.

Kolos-sâ 3:5

Kayam ndata, agi tchagi ahle suma kurugi suma yam andagad’a ka hina woyo, nala, mizeuna, sun nda ndjendjed’a, e’eûd’a, a’arad’a ki d’od’ok ka tuwal fileina mi.

1 Tasaloni’â 4:5

ar mi le d’od’ok ka tchod’a d’igi suma bei wAlona na d’i,

Hebre-na 7:19

Kayam gata hi Moise-sa ndak á le vama ndak memetna d’i, wani vama ei tini huri kam ma kal teglesâ mi mba wa. Kayam mamu, ei hud’i go gen Alona.

Josue 7:21

An gol aduk ahle suma ei hurumuzina, an we baru d’a ngol la djif fa Sinar-ra ki kawei ma hapma kikis mbà ki mbuka hi lor-ra d’a aneget ndak ir grama go ki kikis sa klavandid’a. An le d’od’oka kaziya, an yoziya, a nga ngeid’a kä aduk andagad’a kur zlub’u manda; kawei ma hapma mi nga tchuka kä ad’uziya.