Romê-na 7:4 - Bible azumeina

⁴ Kayam ndata, b’oziyona, ata yima agi zlabagi tu ki hliu tad’a hi Christ-sîna, agi bogi woi ata gata. Ki tchetchemba, agi mbud’ugi ni suma hi sama dingîna, nala, hi mam ma tchol akulo aduk suma matnina. Hina, ei lei sun nda djivid’a yam Alona.

Romê-na 7:4 ပူးပေါင်းရင်းမြစ်များ

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Isai 62:5

D’igi gor azongâ mi ve gor weid’a na, hina mi, gro’â a mba mbut ni d’igi ndjuvuk na, d’igi gor weid’a a teleta ti ni furîd’a hi ndjuvut ma mi teletna na, hina mi, ndak mba d’i mbut ni furîd’a hAlo ma’îd’a mi.

Matiye 26:26

Kid’a azi nga ted’a, Jesus mi hlavungôna, mi le mersi mAlona kamu, mi mbrugum kä, mi haziziya, mi dazi ala: Agi vagiya, agi tagiya, ma wana ni hliwinu.

Marik 4:20

Ma ding ma mi nde ata andaga d’a djivid’ina, mi ni d’igi suma a hum zlad’ina na. Azi vat kuruziya, ti le sunda kuruzi mi. Ma dingâ mi le irâ dok hindi, ma dingâ mi le irâ dok karagaya, ma dingâ mi le irâ kis mi.

Jean 15:8

Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata.

Jean 3:29

Sama vatchad’ina, mam mi sala tela, wani sala tela banam ma nga tchola ma nga mi humum delema, mi nga ki furîd’a ngola á humum delemu. Kayam ndata, furî manda ndak wa memet.

Jean 6:51

An ni te ma hari ma tcholï akulona. Sama lara pî ma te te mámina, mba mi kak karid’a gak didin. Te ma an mba ni humzina ni hliwinu, ni ma an mba ni hum yam arid’a hi suma kur duniyad’ina.

Romê-na 6:11

Ar agi gologi tagi d’igi suma matna na ata tchod’a, wani d’igi suma a nga kaka arid’a yam Alona zlapa tu ki Jesus Christ-sâ na mi.

Romê-na 6:14

Ar tchod’a ti te leud’a kagi d’i, kayam agi nad’u gata d’i, wani agi nad’u sumad’a hAlonid’a.

Romê-na 6:2

Nga na d’i! Ei suma boi woi ata tchod’ina, ei dok i avogovok kur tchod’a d’ei zu?

Romê-na 6:22

Wani ki tchetchemba, agi buzugugi woi kur tchod’a, agi mbud’ugi wa magumeina hAlonina mi. Hina, agi nga tid’igi kur lovot ta d’ingêra yam Alona; dabid’a nari d’a didinda mi.

Romê-na 7:3

Kayam ndata, le ti ve mandjuf ma dingâ kid’a ndjuvut nga karid’a tua d’a ni, a mba yat ala atcha d’a mizeuna. Wani le ndjuvut mi mid’a ni, ti but wa woi kur gat ndata. Le d’i ve mandjuf ma dingâ pî, a mba yat ala atcha d’a mizeuna d’uo d’a.

Romê-na 7:6

Wani ki tchetchemba, ei boi wa woi ata gat ta djini kä d’a, ei bud’i wa woi kur gata. Hina, ei lei sun nda awilid’a mAlona ni yam ad’enga hi Muzuk mamid’a, wani nga ni yam ad’enga hi gat ta adjeu d’a a b’irita d’i.

Romê-na 8:2

Kayam gata hi Muzu’â hAlonina d’a nga d’i he arid’a mi suma a zlap tu ki Jesus Christ-sîd’a, ti bud’un ndei kur gata hi tchod’id’a ki gata hi matnid’a mi.

1 Korente-na 10:16

Agi djib’eregi yam kop ma ei nga lei mersi mAlona kama. Ata yima ei nga tchuma, ei lei ni darigïd’a ki buzuna hi Christ-sâ d’uo zu? Avungô ma ei nga mbruguma, ata yima ei nga tuma, ei lei ni darigïd’a ki hliuna hi Christ-sâ d’uo zu?

2 Korente-na 11:2

An nga ni le yungôra kagiya; ni yungôr ma tcholï ata Alonina, kayam agi ni d’igi gor wei d’a yed’et ta an kat mi mandjufîd’a na, nala Christ.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

Galat-na 5:18

Wani le agi nga tid’igi yam minda hi Muzu’â hAlonina ni, agi nga ad’u gata d’i.

Efes-sâ 2:15

Mi pleî gata hi Juif-fîd’a ki vun ma he máma woyo, kayam andjaf suma mbà ndazina a mbut sama awilina zlapa tu ki mamu. Ata yi máma, halasa mba adigaziya.

Filip-ma 1:11

Agi oyôgi ki sun nda d’ingêra kurugi kayam agi suburugi Alona, agi gilem mi.

Filip-ma 4:17

Wani an halî he d’a hawad’a d’i, wani an min ala djivi magid’a ti i avogovogo.

Kolos-sâ 1:10

Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.

Kolos-sâ 1:22

Wani ki tchetchemba, kayam matna hi Goromina, mi zlabagi darigïd’a ki mamu, kayam agi kagagi suma yed’etna suma bei tchod’a suma bei zlad’a kagi ba na avoromu.

Kolos-sâ 1:6

Zla ndata ti mba hatagi d’igi ti b’rau yam andagad’a pet na, nga d’i vud’a, nga d’i zul avogovogo, d’igi nga d’i ladigagi na mi. Ata yima agi humugizina, agi wagi ala ni suma d’a gagazid’a hAlonid’a,

Kolos-sâ 2:14

Mi tchi b’ira hi gat ta vei ki zla d’a ti kak djangûna ki sed’eid’a woyo. Mi tchat tei ni ki b’al mam mba akulo ata agunid’a.

Kolos-sâ 2:20

Le agi bogi woi zlapa tu ki Christ, le mi pad’agi woi ad’u ad’enga hi muzuk ma teteng ma tcho ma te yam suma yam andagad’ina ni, ni kayam me ba, agi dok tid’igi yam vun ma he mazina, d’igi agi ni suma hi duniyad’ina na d’ei ge? Ni kayam me ba, agi gagi yagi kä ad’u gat ta ti dala:

Hebre-na 10:10

Kayam Jesus Christ mi ndak vun minda hAlonid’a, mi mbuzi tcho meid’a woi yed’et ata yima mi he tam mbei vama ngat buzuna yam tu gak didina.

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

Vama ndum mbeina 19:7

Ei lei furîd’a, ei lei hur ma hapma, ei suburiziya, kayam yima tela hi Gor timinina mi mba wa, amamba ti min wa tat da’.

Vama ndum mbeina 21:9

Bugola, ma dingâ tu aduk malaika suma kid’iziya suma a nga ki angulei suma kid’iziya suma a nga oîd’a ki tugud’ei d’a tcho d’a kid’iziya d’a dabid’a abozina, mi mba, mi dan ala: Ang mbeya! An mba ni tagang atcha d’a tela hi Gor timinid’a.