Romê-na 7:23 - Bible azumeina

²³ Wani an we gat ta dinga ti nga kur hliu tanu, ni d’a nga dur ayîna ki gata hi djib’er mandid’a á mbud’un magoma hi gata hi tcho d’a nga kur hliwindina.

Romê-na 7:23 ပူးပေါင်းရင်းမြစ်များ

Sawal la giled’a 142:7

Ang kak tchugot ang hum yi d’a an nga ni yanga, kayam an nga kur hohoud’a ngola. Ang prud’un ndei abo suma a nga digina, kayam azi ad’enga kalanu.

Ma tchi wala 7:20

Gagazi, sama d’ingêr ma mi le djivid’a ma bei le tchod’a yam andagad’a ka hina nga d’i.

Romê-na 6:13

Ar agi hagi ir hliu tagi mi tchod’a d’igi ahle suma dur ayî suma d’ingêr ruo na na d’i. Wani ar agi hagi tagi mAlona d’igi suma a tchol akulo aduk suma matna suma mbut arid’ina na. Ar agi hagi ir hliu tagi pet mAlona d’igi ahle suma dur ayî suma d’ingêrâ na.

Romê-na 6:19

An nga ni dagi zlad’a ni d’igi suma na kayam amangeîd’a hi hliwigid’a. Avok agi hagi tagi pet d’igi magumeina na á le sun nda ndjendje d’a tchod’a á tid’igi kur batranga. Wani ki tchetchemba, ar agi hagi tagi pet d’igi magumeina na á le sun nda d’ingêra á tid’igi tit ta irata mi.

Romê-na 7:14

Ei wei ala gata ni hi Muzu’îd’a, wani an ni sama kur hliuna, an ni magoma hi tchod’ina mi.

Romê-na 7:21

An fe gat ta wanda: Ata yima an min á le djivid’ina, an le ni tchod’a zang.

Romê-na 7:25

An le mersi mAlona yam Jesus Christ Saleina. Hina, an tanda nga ni le sunda kur gata hAlonid’a ki djib’er manda, wani kur sa man ma adjeuna, an nga ni le sunda ni kur gata hi tchod’id’a.

Romê-na 7:5

Kid’a ei tid’i yam minda hi sa mei ma adjeunid’a, gata ti zut djib’er ra tchod’a á le sunda ir hliu tei á ï kur matna.

Romê-na 8:2

Kayam gata hi Muzu’â hAlonina d’a nga d’i he arid’a mi suma a zlap tu ki Jesus Christ-sîd’a, ti bud’un ndei kur gata hi tchod’id’a ki gata hi matnid’a mi.

Galat-na 5:17

Kayam sa mei ma adjeuna nga mi min Muzu’â hAlonina d’i, Muzu’â hAlonina nga mi min sa mei ma adjeuna d’uo mi. Azi djak nga min tazi d’i. Kayam ndata, agi ndak á le vama agi minima d’i.

Hebre-na 12:4

Kayam dur magi ma ki tchod’ina, agi ndjigid’egi nga gak matna d’uo tua.

Jacques 3:2

Kayam ei pet nga tchilei yam ahlena ngola. Le sana nga mi tchila yam ahlena kur zla mam mba ded’a d’uo ni, sa máma ni sama ndak memetna, mi ndak á ngom tam pet memet mi.

Jacques 4:1

Durâ ki huneîd’a suma a nga adigagina a tcholï ni lara ge? A tcholï nata d’od’ok magi d’a nga d’i dur ayîna ki hliwigid’a d’uo zu?

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.