Romê-na 7:15 - Bible azumeina

¹⁵ An nga ni wäd’u vama an nga ni luma d’i, kayam an nga ni le vama an minim á led’ina d’i, wani vama an minim mbuo na, an nga ni lumu.

Romê-na 7:15 ပူးပေါင်းရင်းမြစ်များ

1 Amuleina 8:46

Fata Israel-lâ a le wa tchod’a avorong kayambala sama bei le tchod’a mi nga d’uo d’a ni, le ang hurung zal kaziya, ang hazi abo mazi suma djangûna a yozi magomba kur andaga mazi d’a deid’a, d’oze kur andaga mazi d’a god’a,

Sawal la giled’a 1:6

Ma didina nga mi ngom suma d’engzengâ kur tit mazid’a, wani suma asa’atna a i ni kur bad’a.

Sawal la giled’a 101:3

An mba ni tin iran yam vama tcho tu d’i. An noî sunda hi suma a hulong á tuwal fileinina woyo, an mba ni zlap ki sed’ezi d’i.

Sawal la giled’a 119:104

Ni yam gat manga ba, an mbut sama d’alâ. Ni kayam ndata ba, an nga ni noî zla d’a kad’a woi pet wana.

Sawal la giled’a 119:113

An noî suma mbàmbàd’a woyo, wani hurun ve ni gat manga.

Sawal la giled’a 119:128

An gol gat manga pet ni d’ingêr. Ni kayam ndat ba, an nga ni noî zla d’a kad’a woi pet wana.

Sawal la giled’a 119:163

An noî zla d’a kad’a woyo, an golot ni vama ndjendjed’a, wani an hurun ve ni gat manga.

Sawal la giled’a 119:32

An nga ni ring kur lovota hi vun mang ma hed’id’a, kayam ang b’lengên hurunu.

Sawal la giled’a 119:40

Gola! Tan nga d’i lan djivid’a yam gat manga, ang han arid’a yam d’ingêr manga mi.

Sawal la giled’a 19:12

Ma didina, ni vun mang ma hed’a ba, nga mi had’an an azong mangâ; sama nga mi tit kama, nga mi fe wurak ka ngola kua.

Sawal la giled’a 36:4

Zla d’a de d’a ndavunamba ni zla d’a kad’a ki lop ira, ne d’a tinim á le sun nda djivid’id’a, mi wal tam mbei ki sed’ed’u.

Sawal la giled’a 65:3

Ang ma nga hum tchendina, suma pet a mba mba atangû.

Sawal la giled’a 97:10

Agi suma lagi yam Ma didinina, agi noyôgi tchod’a woyo! Mam nga mi ngom arid’a hi mam suma d’engzengîd’a, nga mi prud’uzi woi abo suma asa’atna mi.

Zla d’a d’ogolâ 13:5

Sama d’ingêrâ nga mi noî zla d’a kad’a woyo, wani sama asa’atna mi mbut tam ndjendjed’a, mi mbut tam zulona mi.

Zla d’a d’ogolâ 8:13

Le mandara Ma didina ni lovot ta noî tchod’a. Yam mba ad’enga, subur tad’a, tit ta tchod’a ki zla d’a de d’a ata yat tuo d’a nahle suma an minizi d’uo na.

Ma tchi wala 7:20

Gagazi, sama d’ingêr ma mi le djivid’a ma bei le tchod’a yam andagad’a ka hina nga d’i.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Nahum 1:7

Ma didina ni ma djivina, ni yima ngeid’a kur bur ma ndaka, nga mi ngom suma a nga ngei tazi atama mi.

Wana ni Zla d’a Djivi d’a Luc mi b’irita 11:48

Kayam ndata, agi ni suma glangâsâ yam sunda habuyogi ngolod’a, kayam azi tchaziya, agi minizi asuwaziya.

Jean 15:15

An dok yagi azungeîna d’uo d’a, kayam azongâ nga mi we vama salama mi luma d’i. Wani an yagi buniyôn suma kokodjona, kayam ahlena pet suma an humuzï avun Abuna, an tagagiziya wa.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Romê-na 14:22

Ar ang ngom he gagazi mang nga yam zla ndatid’a avok Alona. Le sama djib’er mamba nga d’i kam sariyad’a kam yam vama mam wum djivid’a iram á led’ina d’uo ni, mi le furîd’a.

Romê-na 7:16

Wani le an le vama an minim mbuo na ni, an wala gata ni djivid’a.

Galat-na 5:17

Kayam sa mei ma adjeuna nga mi min Muzu’â hAlonina d’i, Muzu’â hAlonina nga mi min sa mei ma adjeuna d’uo mi. Azi djak nga min tazi d’i. Kayam ndata, agi ndak á le vama agi minima d’i.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

Hebre-na 1:9

Ang min ni d’ingêra, ang noî asa’ata. Ni kayam ndata ba, Alona, Alo mangâ mi manangû, mi vong mbul ma furîd’a kangû, mi hang yima hud’a kal ndrongâ mi.

Jacques 3:2

Kayam ei pet nga tchilei yam ahlena ngola. Le sana nga mi tchila yam ahlena kur zla mam mba ded’a d’uo ni, sa máma ni sama ndak memetna, mi ndak á ngom tam pet memet mi.

Jude 1:23

Agi prud’uzi woi aduk akud’a á sud’uziya, agi wagi hohowa suma dingâ zlapa ki mandarâ. Wani le ni baru mazi d’a tubaka ki d’od’ok mazi d’a tchod’id’a pî, ar agi noyôd’u.