Romê-na 6:16 - Bible azumeina

¹⁶ Agi wagi nga d’ala le agi gagi yagi kä á le sunda mi sa ni, agi mbud’ugi ni magumeina hi ma agi gagi yagi kä ad’uma, d’oze ni mi tcho d’a igi kur matnid’a, d’oze ni mi ge yam mba kä d’a igi kur d’ingêra avok Alonid’a zu?

Romê-na 6:16 ပူးပေါင်းရင်းမြစ်များ

Ad’u Tinda 4:7

Ang le le djivid’a ni, ang mba te kad’u; le ang le djivid’a d’uo ni, tchod’a ti nga grifa kä avun agrek mangâ; ti min á te kangû, wani mbeî ang te kad’u.

Matiye 20:4

Mi dazi ala: Agi i lagi sunda kur asinen ma guguzlud’a mi, an mba ni hagi wurak ka ndaka. Azi i mi.

Matiye 6:24

Jesus mi had’azi kua ala: Azong ma tuna mi ndak á le sunda mi suliyod’a mbà d’i, wani mba mi noî ma tuna, mba mi le yam ma dingâ mi, d’oze mba mi kak ki ma tuna, mba mi ar ma dingâ woi mi. Agi ndagagi á lagi sunda mAlona ki beged’a djak ki.

Jean 8:34

Jesus mi hulong dazi ala: Gagazi, an nga ni dagiya, sama lara pî ma nga mi le tchod’ina ni magoma hi tchod’ina.

Romê-na 11:2

Alona mi noî nga mam suma mi wazi avok deina woi d’i. Kayam agi wagi zla d’a mbaktumba hAlonid’a ti dat yam Elie ata yima mi kal yam Israel-lâ avok Alona ala:

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Romê-na 6:17

Wani an le mersi mAlona, kayam me adjeu agi ni magumeina hi tchod’ina, wani ki tchetchemba, agi gagi yagi kä ki hur ma tuna d’igi hat ta a had’agizid’a na.

1 Korente-na 3:16

Agi wagi nga d’ala agi ni gong nga kud’ora hAlona d’a Muzuk mama nga kaka kuruta d’uo zu?

1 Korente-na 5:6

Subur ta magid’a nga ata yat ti. Agi wagi nga d’ala anguf fa ngiyeûd’a nga d’i subur afuta d’uo zu?

1 Korente-na 6:2

Agi wagi nga d’ala suma hAlonina a mba ka sariyad’a yam suma kur duniyad’ina d’uo zu? Le agi mba kagi sariyad’a yam suma duniyad’a ni, agi ndagagi á kagi sariya d’a ngiyeû d’a wanda d’uo zu?

1 Korente-na 6:3

Agi wagi nga d’ala ei mba kei sariyad’a yam malaikana d’uo zu? Na ni ei ndagei á ka sariyad’a duniya d’a wanda d’uo zu?

1 Korente-na 6:9

Agi wagi tetet ala suma a lahle suma ata yazi d’uo na a mba kal kur leud’a hAlonid’a d’uo d’uo zu? Ar agi lobogi tagi d’i. Suma mizeuna, suma tuwal fileina, suma e’eûd’a, suma a bur ki ndrozi andjofîna,

1 Korente-na 9:13

Agi wagi tetet ala suma a nga le sunda kur gong nga kud’ora hAlonid’ina, a nga fe te mazina ni kua. Suma a nga ngat ahlena ata yima ngal ahle suma ngat buzunina, a fe te mazina ni kua mi.

1 Korente-na 9:24

Agi wagi tetet ala suma a nga ringâ pet ata yima a tok á ringîna a ringî á ve va, wani sana tu mi fe ni mamu. Agi ringîgi hina mi á fagi wuraka.

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!

2 Pierre 2:19

Azi hlazi vuna á mbud’uzi gro vuta, wani azi tazid’a ni magumeina hahle suma izi kur b’lakina. Kayam vama kal yam sanina nga mi mbud’um magom mama.