Romê-na 5:20 - Bible azumeina

²⁰ Wani ata yima gata ti mbana, tchilid’a ti zula. Wani ata yima tchod’a ti zulâ, sumad’a hAlonid’a ti zul ngola kala.

Romê-na 5:20 ပူးပေါင်းရင်းမြစ်များ

Sawal la giled’a 25:11

Ma didina, yam simiyêngû, ang vat hurung ngei yam tcho manda, kayam ti ngola heî.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Ezekiyel 16:52

Ndak ka ka sariyad’a adjeu yam b’oziyok suma aropmid’a, ki tchetchemba, ndak ve tak kur zulo ma’â, kayam tcho mak ka ndak lata ti mbud’uk ndjendjed’a kalaziya. Ata sun mak ka led’a, ndak tak kei ala azi narop suma d’ingêrâ kalagu. Ndak kak kur zulo ma’â, ndak ve tak kur zulo ma’â mi, kayam ndak mbut b’oziyok suma aropma d’igi azi narop suma d’ingêrâ na!

Ndumba 21:9

Moise mi yor kawei ma hleuna guguina, mi gabam akulo avun aguna. Le guguina mi et sana ba, mi gol gugui ma kawei máma ni, mi sud’a.

Matiye 20:9

Suma mi hazi sunda kafata libina a mba, a fe sile tutu.

Matiye 9:13

Wani agi igiya, agi i had’agi ad’u zla d’a a b’irit kur mbaktumba hAlonid’a ala: Alona mi dala: An min ni we hohowa suma, nga ni buzu ma ngata d’uo d’a, kayam an mba ná yi suma d’ingêrâ d’i, wani ná yi suma tchona.

Wana ni Zla d’a Djivi d’a Luc mi b’irita 7:47

Kayam ndata, an nga ni dangû, an vat wa hurun ndei yam tcho mat ta ablaud’a, kayam o mat ta ngola, wani sama an vat nga hurun ndei kam akid’eid’ina, o mamba nakid’eid’a mi.

Jean 10:10

Ma kula mi mba ná kula, ná tchi matna, ná b’lak ahlena mi. An mba ni kayam azi fe arid’a, a fat kam kua kam kua.

Jean 15:22

Ladjï an mba á dazi zlad’a d’uo ni, azi nga ki tchod’a d’i, wani ki tchetchemba, azi nga ki vun ma tinda yam tcho mazid’a d’uo d’a.

Romê-na 4:15

Ni kayam gata ba, ayîna hAlonina mi mba, wani le gata nga d’uo ni, tchila yam gata nga d’uo mi.

Romê-na 6:1

Kayam ndata, ei mba dei nana ge? Ei mba i avogovok kur tchod’a kayam sumad’a hAlonid’a ti zula zu?

Romê-na 6:14

Ar tchod’a ti te leud’a kagi d’i, kayam agi nad’u gata d’i, wani agi nad’u sumad’a hAlonid’a.