Romê-na 5:2 - Bible azumeina

² Ni yam he gagazi mei d’a ei hat kamba ba, ei fei lovota á kal lei kur sumad’a hAlona d’a ei nga kak kä kurut ki tchetchembid’a. Ei nga lei furîd’a ki tin hurâ á djubi subura hAlonid’a.

Romê-na 5:2 ပူးပေါင်းရင်းမြစ်များ

Sawal la giled’a 17:15

Wani anu, yam d’ingêr manda, an mba ni wang irangû; ata yima an mba ni zlit akulona, an mba ni golong tatâ ni hop van hop.

Sawal la giled’a 73:24

Ang nga tagan gat manga, bugola, ang mba van atang kur subur manga.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

Habakuk 3:18

hina pet pî, an ni le furîd’a yam ang Ma didina, an ni le hur ma hapma yam ang Alo man ma suta.

Matiye 25:21

Salama mi dum ala: Djivi heî, ang azong ma djivi ma d’engzengâ. Ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu.

Jean 10:7

Kayam ndata, Jesus mi dazi kua ala: Gagazi, an nga ni dagiya, an ni vun kangâna hi tumiyônina.

Jean 10:9

An ni vun kangâna. Le sama kal ata vun máma ni, mba mi fe suta, mba mi kal kuru, mba mi ndabua, mba mi fe yima te hatna.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

Sunda hi suma a sunuzinid’a 14:27

Kid’a azi mba Antiyos dad’a, a yï suma toka pet, a vazi ad’u ahle suma Alona mi lazi ki sed’ezina pet, ni nana ba, Alona mi mal lovot ta he gagazid’a mandjaf suma dingîna ge.

Romê-na 11:20

Gagazi, Alona mi kazi woi ni kayam azi he nga gagazid’a d’i, wani ang nga kua ni yam he gagazi manga. Kayam ndata, ang gol tang djiviya, ang subur tang ngi, wani ang ka’î ki mandarâ.

Romê-na 12:12

Ar agi lagi furîd’a yam hur magi ma tinda. Ar agi vagi tagi kur ndaka. Ar agi tchenegi Alona bei ara ba.

Romê-na 14:4

Angî nge ba, ang ka sariyad’a yam azongâ hi ndrangîna ge? Le mi nga ni kaka ad’enga kur sun mamba d’oze mi puk kä ni, ni zlad’a hi salamid’a. Gagazi, mam mba mi kak kad’enga, kayam Salad’a mi nga kad’enga á tcholom akulo.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Romê-na 3:23

Suma pet a le tchod’a, a kid’ak kei ata subura hAlonid’a mi.

Romê-na 5:5

Hur mei ma tinda ni lop ira d’i, kayam Alona mi vo o mamba kuri ngola ni yam Muzuk mam ma bei tchod’a ba ma mi heizina.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

Romê-na 8:24

Ni yam tin hurâ ba, ei fei ki suta. Wani le sana nga mi djup vama mi wuma ni, nga ni hur ma tinda d’i. Ni nge ba, mi djup vama mi wuma ge?

1 Korente-na 15:1

B’oziyona, ki tchetchemba, an min gagi humagi yam Zla d’a Djivi d’a an tchagizi walat ta agi vata. He gagazi magid’a nga d’i sira kat ngingring mi.

2 Korente-na 3:18

Wani ei suma a yoi baru d’a ka ira woi ireina, ei nga golei subura hi Ma didinid’a, ni d’igi sana mi gol iram kur kotroma na. Muzu’â hi Ma didinina nga mi mbud’i dedege d’igi Ma didina na kur subura kam kua kam kua kala.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

Efes-sâ 2:18

Ni yam Christ ba, ei pet, Juif-fâ kandjaf suma dingâ djak, ei ndak á kalei avok Alona kad’enga hi Muzuk mam ma tunid’a.

Efes-sâ 3:12

Yam he gagazi meid’a, ei zlabei tu ki Christ. Kayam ndata, ei fei lovota á kalei avok Alona bei mandarâ ba.

Efes-sâ 6:13

Kayam ndata, ar agi yogi ahle suma dur ayîna hAlonina pet abogiya, kayam agi fagi ad’enga á tchologi á d’elem kur bur ma tchona. Bugol la agi kuzugi yam ahlena peta, agi tchologi ngingring.

2 Tasaloni’â 2:16

Ar Saleina Jesus Christ tamba kAbui Alo ma mi le keina, mi b’lengeî huri b’leng nga didinda yam suma mamba ki tin hur ma djivina,

Hebre-na 3:6

Wani Christ ni Ma d’engzengâ, ni Gor ma Alona mi tinim yam gong mambina. Le ei nga vei tei ad’enga ngingring, le ei dengeî tei yam hur mei ma tinda ni, ei ni gong ndata.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

Vama ndum mbeina 21:11

Subura hAlonid’a ti nga d’i wile kua. Ti nga d’i ngal wiwilik d’igi ahina d’a guzut kal teglesa na, d’igi ahina d’a jaspe d’a ngal wiwilik d’igi kristala na d’a na mi.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.