Romê-na 4:17 - Bible azumeina

¹⁷ d’igi mbaktumba hAlonid’a ti de na ala: Alona mi dala: An mba ni mbud’ung andjaf suma ablauna abuziya. Mam nabui avok Alo ma mam he gagazid’a kama. Alo máma nga mi he arid’a mi suma matna, nga mi yahle suma a nga d’uo na ala a nga.

Romê-na 4:17 ပူးပေါင်းရင်းမြစ်များ

Ad’u Tinda 17:16

An mba ni b’e vunan kad’u, an mba ni hang gorâ ki sed’ed’u; an mba ni b’e vunan kad’u, mba d’i vut andjaf suma ablauna; andjaf amuleina ablaud’a a mba buzugï ni kurud’u.

Ad’u Tinda 17:20

Yam Ismael, an humungû. Gola! An nga ni b’e vunan kamu, an nga ni zulum andjavam avogovogo; mam mba mi vut amuleina dogo yam mbà, an mba ni zulum andjavam ngola.

Ad’u Tinda 28:3

Ar Alo ma ad’engêm kal petna mi b’e vunam kangû, ang vut grona ablaud’a, ang zul ndjondjoî, kayam ang mbut nandjaf ma ngolâ.

Isai 43:6

An mba ni de mi suma abo ma norâ ala: Agi handjiya! An mba ni de mi suma abo ma sutna ala: Agi d’elezi kä d’i! Agi mbeyegï ki gron suma andjof suma sä deina ki gron suma arop suma sä avun dabid’a handagad’ina mi.

Isai 44:7

Ni nge ba, d’igi an na ge? Ar mi de, ar mi van ad’ud’a, dedeid’a an tchuk sumid’a: ar mi de woi yam ahle ndazina, yam ahle suma a nga mbana mi.

Isai 48:13

Ni kabon ba, an gäd’u andagad’a, an b’eng akulod’a woi kabon ma ndjufâ. An yaziya; a tok tu, a mbeï avoronu.

Isai 49:12

Gola! Suma sä deina a nga djïya. Gola! Suma dingâ ni suma abo ma norâ, suma dingâ ni suma abo ma fladegena, suma dingâ ni suma a tcholï yam ambas sa Sinim-mbina mi.

Isai 51:2

Agi gologi abugi ngolo Abraham azi ki Sara d’a vud’ugid’a. Ata yima mam mi vam tuna, an yumu, an b’e vunan kamu, an zulum andjavam mi.

Isai 55:12

Agi mba buzugugï woi kur Babilon ki furîd’a, agi mba mbagi avo hatagi ki b’leng nga halasa, ahuniyôna ki yima ndingâ a mba er ad’uzi akulo avorogi ki furîd’a, agu ma abageina pet mba mi tum abom ki furîd’a mi.

Matiye 3:9

Ar agi djib’eregi kurugi ala Abraham nabui ngolo hina d’i, kayam an nga ni dagi woi mbak Alona mi ndak á mbut ahuniyô suma wana grona mi Abraham.

Jean 5:21

D’igi Abun nga mi tchol suma matna akulo nga mi hazi arid’a na, an Goroma nga ni harid’a mi suma an minizina hina mi.

Jean 5:25

Gagazi, an nga ni dagiya, yina nga mi mba, ki tchetchemba mi mba wa, ata yi máma, suma matna a mba hum del an Alona Goroma; azi suma a huma, a mba kak karid’a mi.

Jean 6:63

Ni Muzu’â hAlonina ba, mi he arid’a mi suma; hliuna ndak á le va d’i. Zla d’a de d’a an dagizid’a ni Muzu’â karid’a.

Sunda hi suma a sunuzinid’a 15:18

Gola! An Ma didin ma tak ahle ndazina woi kur atchogoi d’a kalina, ni de na.

Romê-na 3:29

Nani Alona nAlona hi Juif-fîna hol zu? Mam mAlona handjaf suma dingîna mi d’uo zu? Gagazi, mam mAlona handjaf suma dingîna mi.

Romê-na 4:18

Abraham mi nga ki vama tin hurâ d’uo pî, mi he gagazid’a á djup á mbut abu andjaf suma ablauna, d’igi Alona mi dum na ala: Andjavang mba mi zulî hina dedege.

Romê-na 4:2

Le Abraham Alona mi mbud’um sama d’ingêrâ ni yam sun mam mba led’a ni, mi fe ni vama subur tama. Wani mi ndak á subur tam avok Alona d’i,

Romê-na 8:11

Wani le Muzu’â hAlona ma mi tchol Jesus akulo aduk suma matnina mi nga kaka kurugiya ni, Alo ma mi tchol Christ akulo aduk suma matnina mba mi hagi arid’a ata hliwigi ma matna ni yam Muzuk mam ma nga kaka kurugina mi.

Romê-na 9:11

Kid’a grotna a nga bei vuta tua d’a, Alona mi de mi Rebeka ala: Ma ngolâ mba mi ge yam kä ad’u ma gorâ. Mi dat hina navok bei azi le vama djivina d’oze ma tchona tua, kayam nga hurâ hAlona ma yam suma mi manazinina ndak memet. Hina, nga nata sun nda led’a d’i, wani nata Alo ma yazina.

Romê-na 9:26

Ata yima mi dazi ala: Agi ni sum mana d’uo na, ata yi máma, a mba yazi ala Alo ma bei matna groma.

1 Korente-na 1:28

Alona mi man vama suma duniyad’a a wum ala ni va d’uo na ki vama azi golom is ala ni va irazi d’uo na á b’lak vama suma a nga golom ala ni vana woyo.

1 Korente-na 15:45

Kayam mbaktumba hAlonid’a ti dala: Adam mi sama avo’â, Alona mi mbud’um sama arina, wani Adam ma danana ni Muzuk ma mi he arid’a mi sumina.

1 Timote 6:13

An hang vuna avok Alo ma he arid’a mahlena petna, avok Jesus Christ ma le glangâs ma djivina avok Pôs Pilat-na,

Hebre-na 11:12

Kayam ndata, ata sama tu ma mi mbut d’igi sama matna na na, andjavam zul grona ablaud’a d’igi tchitchiu d’a akulod’a na, d’igi les ma avun alum ma ngol ma sana mi ndak á ndumum mbuo na na mi.

Hebre-na 11:3

Ni yam he gagazid’a ba, ei wei ala Alona mi landagad’a kahle suma sä akulona ni ki zla d’a avunamba. Kayam ndata, ahle suma ei nga wazi ki ireina, Alona mi mbud’uzi kahle suma ei nga wazi ki irei d’uo na.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

1 Pierre 2:10

Adjeu agi ni suma hAlonina d’i, wani ki tchetchemba, agi ni sum mama. Adjeu mi wagi nga hohowogi d’i, wani ki tchetchemba, mi wagi wa hohowogiya.

2 Pierre 3:8

Wani buniyôn suma od’a, agi maragi yam zla d’a tu d’a wanda d’i: Bur tu ir Salad’a ni d’igi bizad’a dubu na, biza d’a dubud’a ni d’igi burâ tu na mi.