Romê-na 4:15 - Bible azumeina

¹⁵ Ni kayam gata ba, ayîna hAlonina mi mba, wani le gata nga d’uo ni, tchila yam gata nga d’uo mi.

Romê-na 4:15 ပူးပေါင်းရင်းမြစ်များ

2 Amuleina 22:13

Agi i djobogi Ma didina kan an ki suma Juda-na pet yam zla d’a kur mbaktum mba a fat wanda. Kayam Ma didina hurum mi zal kei ngola ni kayambala abuyoi ngolo a ngom nga zla d’a kur mbaktum mba wanda d’i, a le nga sunda yam zla d’a pet ta a b’irit kä keid’a d’uo mi d’a.

Jeremi 4:8

Kayam ndata, agi tchugugi baru d’a dodora atagiya, agi tchagi abogi kurugiya, agi tchigi horâ, kayam Ma didina nga mi arei bei ngopa kayî mam ma bibiliuna d’i.

Hor ma tchina 2:22

Ang yï ahle suma a mbud’un mandarîna kan ata yina pet d’igi suma a yi tazi kur bur ma vun tilâ na. Ma didina, kur bur ma ayî mangâ sama sut nga d’oze sama prut tei nga d’i. Gugurei suma an wuluzi ni le kazi heîna, man ma djangûna mi dabazi woyo.

Ezekiyel 7:19

A mba tchuk bege mazi d’a hapa woi ir palumba, lor mazid’a mba d’i mbut ni vama ndjendjed’a. Bege mazid’a ki lor mazid’a a mba ndak á sud’uzi woi kur bur ma ayîna hi Ma didinina d’i. A mba hobozi hayazi d’uo mi na, a mba ndagazi d’uo mi, kayam ni azi ba, a tchuguzi kur tcho d’a led’a.

Sofoni 1:18

Bege mazi d’a hap poze lor mazid’a mba d’i prud’uzi woi kur bur ma ayî ma bibiliuna hi Ma didinina d’i. Mba mi ngal andagad’a woi ki zla tat pet kayî mam ma aku ma bibiliuna. Ma didina mba mi b’lak suma yam andagad’a woi kur bur máma. Ni vama mandarâ!

Ndumba 32:14

Gola! Agi hlagi ni balum abuyogi d’igi ades ma le tchod’a na á djo ayîna hi Ma didinina ma bibiliuna akulo yam Israel-lâ kua.

Jean 15:22

Ladjï an mba á dazi zlad’a d’uo ni, azi nga ki tchod’a d’i, wani ki tchetchemba, azi nga ki vun ma tinda yam tcho mazid’a d’uo d’a.

Jean 3:36

Sama he gagazid’a yam Alona Goromina, mi nga kari d’a didinda. Sama ge yam kä avok Alona Goroma d’uo na, mba mi fe arid’a d’i, wani ayîna hAlonina mi nga kaka kamu.

Romê-na 1:17

Kayam Zla d’a Djivi ndata ti tagei woi ni nana ba, Alona mi mbut suma d’ingêr avorom ge. Ni yam he gagazid’a hol, ei ad’u tinda dei gak dabid’a, d’igi mbaktumba hAlonid’a ti de na ala: Sama mi mbut d’ingêr avok Alonina mba mi kak karid’a ni yam he gagazid’a.

Romê-na 5:13

Avok ka Alona bei he gata mi Moise tua d’a, tchod’a ti nga kur duniyad’a. Wani kid’a gata ti nga d’uo tua d’a, Alona mi ndum nga tchod’a yam sa d’i.

1 Korente-na 15:56

Ad’enga hi matnid’a ni tchod’a, ad’enga hi tchod’id’a ni gata mi.

Galat-na 3:10

Kayam suma a ge yazi kä ad’u gatina, Alona mi gazi vuna. Kayam mbaktumba hAlonid’a ti dala: Sama kid’ak á ngom ahlena pet suma gata dum kazi á led’ina, Alona mi gum vuna.

Galat-na 3:19

Ni kayam me ba, Alona mi tin gata ge? Mi tinit á tak tcho d’a led’a abua, gak andjafâ hi Abraham ma Alona hlum vunam kama mi mba. Malaikana a he gat ndata mi Moise ma aduk suma kAlonina.

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

Kolos-sâ 3:6

Ni kayam ahle ndazina ba, ayîna hAlonina nga mi mba yam suma bei humum vunam ba na.

1 Jean 3:4

Nge nge pî ma nga mi le tchod’ina, nga mi tchila ni yam gata hAlonid’a, kayam tcho d’a led’a ni tchila yam gata.

Vama ndum mbeina 19:15

Mbigeu d’a fiyak ka tena heîd’a, ti nde woi avunamu, ni d’a mba mi ka kandjaf sumid’a. Mba mi polozi ki totogo d’a kawei ma wurana, mba mi miret guguzlud’a, d’ala nayîna hAlo ma ad’engêm kal petna na.