Romê-na 4:11 - Bible azumeina

¹¹ Bugola, a ngad’am bayâd’a, wani bayâ mam mba ngata ni d’igi geuna na á tagei woi ala kid’a mam bei ngat bayâd’a tua d’a, Alona mi mbud’um sama d’ingêrâ yam he gagazi mamba. Kayam ndata, Abraham nabu suma a he gagazid’a yam Alonina pet. Le sum ndazina a ngat nga bayâd’a d’uo pî, Alona mi ndumuzi ni suma d’ingêrâ.

Romê-na 4:11 ပူးပေါင်းရင်းမြစ်များ

Ad’u Tinda 17:24

Kur bur ma Abraham mi ngat bayâd’ina, bizamî dok zlengâ yam zlengâ.

Sawal la giled’a 47:9

Ni mam ba, nga mi te yam andjaf suma, mi nga kaka yam zlam mam mba amul la a tinit irat vata.

Buzuk ka Abud’a 12:13

Buzu máma mba mi mbut ni vama taka avun gong nga agi nga kuad’a. Ata yima an mba ni tchi Ezipte-nina, an mba ni we buzuna, an mba ni kal kagiya. Hina wani, ndak ka tcho d’a tchi matna mba d’i fagi d’i.

Buzuk ka Abud’a 31:13

Ang de mi Israel-lâ ala: Alona mi dala: Agi aragi bei ngom bur man ma sabatna d’i, kayam mam mba mi arî vama taka adigagi ki an kur atchogoi magid’a pet. Ni kayam ndata ba, agi mba wagi ala ni an Ma didina ba, ni managi ni tinigi iragi vagiya.

Buzuk ka Abud’a 31:17

Bur máma mba mi arî vama taka gak didin adigami ki Israel-lâ, kayam an lakulod’a kandagad’a ni burâ karagaya; kur bur ma kid’iziyana, an ar sunda, an tuk tanu.

Ezekiyel 20:12

An hazi bur man ma sabatna d’igi vama taka na adigazi ki anu, kayam azi wala an ni Ma didin ma ni tinizi irazi vazina.

Ezekiyel 20:20

Agi tinigi bur man ma sabatna iram vamu, ar mi ka’î vama taka adigagi ki anu, kayam agi wagi ala an ni Ma didina Alo magina.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

Matiye 8:11

Wani an nga ni dagiya, suma ablaud’a a mba tcholï abo ma yorogona kabo ma fladegena, a mba kak avun tabulâ ki Abraham azi ki Isak ki Jakob sä kur leu d’a akulod’a.

Wana ni Zla d’a Djivi d’a Luc mi b’irita 19:9

Jesus mi dum ala: Suta mba wa ini kur azì ma wana, kayam mam mi Abraham gorom ngolona mi.

Jean 3:33

Sama ve zla mambina, nga mi tagam mbei abu ala Alona ni Ma gagazina.

Jean 3:36

Sama he gagazid’a yam Alona Goromina, mi nga kari d’a didinda. Sama ge yam kä avok Alona Goroma d’uo na, mba mi fe arid’a d’i, wani ayîna hAlonina mi nga kaka kamu.

Jean 6:35

Jesus mi dazi ala: An ni te ma harid’a mi sumina. Sama mi mba gevena, meid’a mba d’i tchum mbi. Sama he gagazid’a kana, vunam mba mi so d’uo mi.

Jean 6:40

Wana ni minda hAbunda: Sama lara pî ma wan an Goroma mi he gagazid’a kana, mba mi fe ari d’a didinda, an mba ni tcholom akulo aduk suma matna kur bur ma dabid’a mi.

Jean 6:47

Gagazi, an nga ni dagiya, sama he gagazid’a kana, mi nga kari d’a didinda.

Jean 8:33

Azi hulong dum ala: Ami nandjafâ hi Abraham-ma, ami lami nga magom mi sa yami tu d’i. Ni nana ba, ang dala ang mba mbud’umi gro vuta ge?

Romê-na 10:11

Kayam mbaktumba hAlonid’a ti dala: Sama lara pî ma hum gagazid’ina, zulona mba mi lum mbi.

Romê-na 10:4

Kayam Christ mi ndak vun gata hi Moise-sa memet á mbut suma pet suma a he gagazid’ina d’ingêr avok Alona.

Romê-na 10:6

Wani yam lovot ta mbut sana d’ingêr avok Alona yam he gagazid’id’a, ti dala: Ar ang de kurung ala: Sama mba mi djak akulo ni nge ge d’i? (Nala, á surobï Christ kä.)

Romê-na 3:22

Alona mi mbut suma d’ingêr ni yam he gagazi mazi d’a yam Jesus Christ-sa. Alona mi le hina yam suma pet suma a he gagazid’a yam Christ-sâ, kayam sama kal ndrama nga d’i.

Romê-na 3:26

Wani ki tchetchemba, Alona mi tak kei ala mam mi Ma d’ingêrâ, kayam mam min ala mi mbut suma pet suma a he gagazid’a yam Jesus-na d’ingêr mi.

Romê-na 3:30

Kayam Alona ni tu, ni ma nga mi mbut Juif-fâ d’ingêr yam he gagazi mazid’ina, nga mi mbut andjaf suma dingâ d’ingêr yam he gagazi mazid’a mi.

Romê-na 4:10

Alona mi ndumum sama d’ingêrâ ni mindja ge? Ni kid’a mi ngat bayâd’a d’oze bei mi ngat bayâd’id’a zu? Wani navok ka bei mam ngat bayâd’id’a.

Romê-na 9:30

Na ni ei mba dei nana ge? Gola! Andjaf suma ding suma a hal nga á mbut tazi d’ingêr avok Alona d’uo na, Alona mi mbud’uzi wa suma d’ingêrâ avorom yam he gagazid’a.

Romê-na 9:33

d’igi a b’ir kur mbaktumba hAlonid’a na ala: Gola! An nga ni tin ahina d’a dap asema kur Siyon, nahina d’a ti puguzi kä d’a mi. Wani sama he gagazid’a katna, zulona mba mi lum mbi.

Romê-na 9:6

Wani an nga ni de nala vun ma djinda hAlonina mbut ni vama hawana d’i, kayam andjafâ hi Israel-lîna mi nga nandjaf Israel ma gagazina pet ti.

2 Korente-na 1:22

Mi kei geuna ki simiyêmu, mi hei Muzuk mama kuri d’igi vama gap ma djivi ma mam nga mi ngomom keina na mi.

Galat-na 3:22

Wani mbaktumba hAlonid’a ti dala suma kur duniyad’ina pet a nga ni kä ad’u ad’enga hi tchod’id’a. Hina wani, suma a he gagazid’ina a fe he d’a hawa d’a Alona mi hle vunam kata ni yam he gagazi mazi d’a yam Jesus Christ-sa.

Galat-na 3:29

Le agi ni suma hi Christ-sâ ni, agi nandjafâ hi Abraham-ma mi. Agi ni suma te djo ma Alona mi hle vunam kama mi.

Galat-na 3:7

Kayam ndata, djivid’a agi wagi ala suma a he gagazid’ina, azi nandjaf ma gagazina hi Abraham-ma.

Galat-na 5:5

Wani amiya, yam ad’enga hi Muzuk mamid’a, ami nga djubumi bur ma Alona mba mi mbud’umi d’ingêr avoroma. Ami nga tinimi hurumi kat ni yam he gagazid’a.

Galat-na 6:16

Wani suma pet suma a nga tit kur lovot ndatina, b’leng nga halasa ki we hohoud’a hAlonid’a a mba kak kaziya, nala, yam Israel ma gagazina hAlonina.

Efes-sâ 1:13

Wani kid’a agi humugi zla d’a gagazid’a nala Zla d’a Djivi d’a sud’ugid’a, agi hagi gagazid’a yam Christ. Kayam ndata, Alona mi kagi geuna ki Muzuk mam ma bei tchod’a ba ma mi hle vunam kama.

Efes-sâ 4:30

Ar agi b’lagagi hur Muzuk ma bei tchod’a ba na hAlonina d’i; ni mam ba, kagi ki geuna gak bur ma Alona mba mi yoi sä akulona.

Gat ta a hat á mbàd’id’a 30:6

Ma didina mba mi mbud’ugi agi kandjavagi hurugi yed’et, kayambala agi lagi kam ki hurugi ma tuna ki tagi pet mi d’a. Hina wani, agi mba kagagi ki iragi avoromu.

Filip-ma 3:9

á fan zlapa tu ki mamu. Ni yam d’ingêr manda á ge yan kä ad’u gata d’i, wani ni yam d’ingêr ra an he gagazid’a yam Christ-sa. Ni d’ingêr ra tcholï ata Alona yam he gagazid’id’a.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

2 Pierre 1:1

Ni an Simon Pierre, azong ma a sunuma hi Jesus Christ-sâ. An nga ni b’ir mbaktum mba wanda mi agi suma a fagi he gagazi d’a guzut kal tegles d’igi ami na na, yam d’ingêra hi Jesus Christ Alo mei ma sud’ina.

Vama ndum mbeina 9:4

A dat ala: Ndak te asuna d’oze aguna d’oze vama zar ma ding ngi, wani ndak ge ni suma a kazi nga geuna hAlonina avorozi d’uo na hol.