Romê-na 3:5 - Bible azumeina

⁵ Wani le ni tcho meid’a ba, nga d’i tak d’ingêra hAlonid’a woi abua ni, ei mba dei nana? Ei mba dei ala Alona ni ma bei d’ingêrâ ba, mi mba ka ayî mama keya zu? (An nga ni de ni d’igi suma a nga de na.)

Romê-na 3:5 ပူးပေါင်းရင်းမြစ်များ

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Wana ni mbaktumba hi Job-pa 8:3

Na ni Alona mi b’lak sariya d’a d’ingêra woi zu? D’oze Ma ad’engêm kal petna mi b’lak zla d’a d’ingêra woi mi zu?

Nahum 1:2

Ma didina nAlo ma yungôra, ni ma hlatchugula, nga mi hlatchugula, ni ma ayîna heîna, nga mi hlatchugula ki mam suma djangûna, nga mi ve mam suma djangûna kurum mi.

Romê-na 12:19

Buniyôn suma od’a, sagi atchugulugi d’i, wani aragi ayîna hAlonina mi le sun mamba. Kayam Ma didina mi dala: Atchugul la sad’a ni manda; ni an ba, mba ni sad’u.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Romê-na 3:19

Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi.

Romê-na 3:7

Wani le ni yam zla man nda kad’a ba, zla d’a gagazid’a hAlonid’a nga d’i zul avogovok kur subur mamba ni, ni kayam me ba, a nga kan sariyad’a kan d’igi sama le tchod’a na ge?

Romê-na 4:1

Ei mba dei yam abui ngolo Abraham ma kur hliunina ala mi fe ni me ge?

Romê-na 5:8

Wani Alona mi tagei o mam mba keid’a woi ala kid’a ei ni suma le tchod’a tua d’a, Christ mi mit keya.

Romê-na 6:1

Kayam ndata, ei mba dei nana ge? Ei mba i avogovok kur tchod’a kayam sumad’a hAlonid’a ti zula zu?

Romê-na 6:19

An nga ni dagi zlad’a ni d’igi suma na kayam amangeîd’a hi hliwigid’a. Avok agi hagi tagi pet d’igi magumeina na á le sun nda ndjendje d’a tchod’a á tid’igi kur batranga. Wani ki tchetchemba, ar agi hagi tagi pet d’igi magumeina na á le sun nda d’ingêra á tid’igi tit ta irata mi.

Romê-na 7:7

Kayam ndata, ei mba dei nana ge? Gata ni tchod’a zu? Nga na d’i! Wani gata ti tagan tcho manda. Ladjï gata ti dala: Ang le d’od’oka d’i d’uo ni, an ndak á we d’od’oka d’i.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Romê-na 9:30

Na ni ei mba dei nana ge? Gola! Andjaf suma ding suma a hal nga á mbut tazi d’ingêr avok Alona d’uo na, Alona mi mbud’uzi wa suma d’ingêrâ avorom yam he gagazid’a.

1 Korente-na 15:32

Wani le an ndjiget kambureina avo Efes ni yam d’alâ hi sana ni, mbiyo ma an fuma ni me ge? Le suma matna a mba tchol akulo d’uo ni, ar ei teya, ar ei tcheya, kayam avin ei boya, d’igi zla d’a d’ogola ti de na.

1 Korente-na 9:8

An de ni zlad’a hi sumid’a hawa zu? Gata hi Moise-sa de na mi d’uo zu?

2 Korente-na 6:4

Wani kur ahlena pet, ami nga tagami woi ala ami nazungeîna hAlonina. Ami nga vami tami kur ndaka, kur yor tad’a, kur hur ma hata mi.

2 Korente-na 7:11

Gola! Zal hur ma tcholï ata Alo ma mi had’agina nga mi zud’ugi avogovok á väd’u zla magid’a. Hina, agi nga ki hur ma hata, agi nga ki mandarâ, agi nga ki hur ma tinda á wanu, tagi nga d’i lagi zlezleû, agi nga ki hur ma hata á ka sariyad’a yam tchod’a mi. Kur ahle ndazina pet, agi nga tagagi woi ala zla nga kagi d’i.

Galat-na 2:18

Le an nga ni hulong min gat ta an b’lagat teid’a akulo ni, an tak kei gagazi ala an ni sama tchila yam gata.

Galat-na 3:15

B’oziyona, an nga ni dagi zla d’a d’ogola hi sumid’a. Le sana mi hle vunam yam va, le suma pet a le glangâsâ kamu ni, sama ndak á pad’am mbei d’oze mi tchuk kam kuana nga d’i.

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.