Romê-na 3:4 - Bible azumeina

⁴ Nga na d’i! Le suma pet ni suma ka zlad’a pî, Alona ni Ma gagazina. Kayam zlad’a hAlonid’a ti dala: Suma a mba wang Ma d’ingêrâ nata zla mang nga ded’a. Le azi mbang ata yima ka sariyad’a ni, ang mba kus kaziya.

Romê-na 3:4 ပူးပေါင်းရင်းမြစ်များ

Wana ni mbaktumba hi Job-pa 36:3

An mba ni feï ne manda nata yima deina, an mba ni de woi yam d’ingêra hAlo ma lanid’a.

Wana ni mbaktumba hi Job-pa 40:8

Ang ngeyezi kä aduk andaga d’a gugud’upa ki zla tazi pet, ang djinizi kä kur nduvunda.

Sawal la giled’a 100:5

Kayam Ma didina ni ma djivina, o mamba ni d’a gak didinda, d’engzeng mamba ti nga ni kur atchogoi d’a lara ge pet mi.

Sawal la giled’a 116:11

Kur tcha tata manda an dala: Suma pet ni suma ka zlad’a.

Sawal la giled’a 119:160

Zla manga sideyet ni gagazid’a, nga hur mang ma d’ingêrâ pet ni ma gak didina mi.

Sawal la giled’a 138:2

An nga ni grif kä kur gong mang nga kud’ora, an nga ni gileng simiyêng yam o mang nga didinda ki gagazi manga, yam vun mang ma hled’a ki simiyêng ma suma a nga yuma a kal ahlena pet akulo.

Sawal la giled’a 51:4

Ang mbuzun ndei tetet kur tchila manda, ang mbud’un ndei yed’et kur tcho manda mi.

Sawal la giled’a 62:9

Agi suma, agi tinigi hurugi kam kur atchogoi d’a lara ge pet, agi dagizi zla d’a kurugid’a, kayam mam mi yi mei ma ngeid’a. Tchol ndjö

Mise 7:20

Ang mba le glangâsâ yam d’engzeng mang nga ang lat kandjafâ hi Abraham-mid’a, yam djivi d’a ang lat kandjafâ hi Jakob-mid’a d’igi ang gun tang mabuyomi ngola adjeu na.

Matiye 11:19

An Gor Sana ni mba, nga ni te, nga ni tche. Suma a nga dala: Gola! Sa máma ni sama b’oid’a, ni sama tche süm guguzlud’a heîna, ni suma ve lombod’a azi ki suma tchona banazina. Wani ned’a hAlonid’a ti tak kei ala ndat ni d’ingêru ni ki sun mat ta led’a.

Wana ni Zla d’a Djivi d’a Luc mi b’irita 20:16

Mi mba mi ba suma sun ndazina woyo, mba mi he asine máma woi mi suma dingâ. Kid’a suma a hum zla ndatid’a, a dala: Ar ahle ndazina mba d’i.

Jean 3:33

Sama ve zla mambina, nga mi tagam mbei abu ala Alona ni Ma gagazina.

Romê-na 11:1

An nga ni djop ala: Na ni Alona mi ar sum mama woi zu? Nga na d’i! Kayam an tanda ni ma Israel ma ad’u andjafâ hi Abraham-ma, ma ad’u andjafâ hi Benjamin-na mi.

Romê-na 11:11

An nga ni djop ala: Ata yima Juif-fâ a dap asezina, a pu’î kä ki irazi fafad’u zu? Nga na d’i! Wani ni yam tchila mazid’a ba, suma dingâ a fe ki suta, kayam Juif-fâ a le yungôra kaziya.

Romê-na 3:31

Na ni he gagazi meid’a ti mbut gata vama hawana zu? Nga na d’i! Wani he gagazid’a ti hei nad’enga á sira gata memet.

Romê-na 6:15

Ni nana ge? Ei mba lei tchod’a kayambala ei nga ad’u gata d’i, wani ei nad’u sumad’a hAlonid’a d’a zu? Nga na d’i!

Romê-na 6:2

Nga na d’i! Ei suma boi woi ata tchod’ina, ei dok i avogovok kur tchod’a d’ei zu?

Romê-na 7:13

Na ni vama djivina mi mbut vama tchana zu? Nga na d’i! Wani ni tchod’a ba, ti tchan ndeyo. Wani ata yima tchod’a ti le sunda yam vun ma hed’a hi gatina, ti tak kei ala tcho d’a tata ni vama tchona. Hina, yam vun ma hed’a ba, tchod’a ti mbut tcho d’a ngol la kala.

Romê-na 7:7

Kayam ndata, ei mba dei nana ge? Gata ni tchod’a zu? Nga na d’i! Wani gata ti tagan tcho manda. Ladjï gata ti dala: Ang le d’od’oka d’i d’uo ni, an ndak á we d’od’oka d’i.

Romê-na 9:14

Na ni ei mba dei nana ge? Alona ni ma bei d’ingêrâ zu? Nga na d’i!

1 Korente-na 6:15

Agi wagi ala hliu tagi ni ir hliu tad’a hi Christ-sa. An ndak á hle ir hliu tad’a hi Christ á mbud’ut ir hliu tad’a hatcha d’a gaulangâ zu? Nga na d’i!

2 Korente-na 1:18

D’igi Alona ni Ma d’engzengâ na, zla d’a ami dagizid’a nga ni  ki Hawa d’i.

Galat-na 2:17

Wani ata yima ami nga halami lovota á mbut d’ingêr zlapa tu ki Christ-sâ, le a fami suma tchona d’igi andjaf suma dingâ na ni, na ni Christ mi mbut ma sunda hi tchod’ina zu? Nga na d’i!

Galat-na 2:21

An nga ni mbut sumad’a hAlonid’a vama hawana d’i. Le sana mi mbut d’ingêr avok Alona ni yam sunda hi gat ta mi lata ni, matna hi Christ-sâ ni hawa.

Galat-na 6:14

Wani an nga ni subur tan yam vama ding ngi. An subur tan ni yam agu ma b’ala hi Salad’a Jesus Christ-sâ hol. Ni kayam agu mam ma b’ala ba, an mit tei ata duniyad’a, duniyad’a ti mit tei atan mi.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.

1 Jean 5:10

Sama he gagazid’a yam Alona Goromina, mi nga ki glangâs mama kurumu. Sama he gagazid’a yam Alona d’uo na, mi mbut Alona ni ma ka zlad’a, kayam mi he nga gagazid’a yam glangâs ma Alona mi lum yam Goromina d’i.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina: